ഡൽഹി: വാശിയേറിയ പോരാട്ടം നടന്ന ഡൽഹി നിയമസഭാ തെരഞ്ഞെടുപ്പിൽ അരവിന്ദ് കെജരിവാളിന്റെ നേതൃത്വത്തിലുള്ള എഎപിയെ തിരിച്ചടിയെന്ന് എക്സിറ്റ് പോൾ ഫലങ്ങൾ.എഎപിയെ അട്ടിമറിച്ച് ബിജെപി അധികാരത്തിലെത്തുമെന്ന് എക്സിറ്റ് പോൾ ഫലങ്ങള്ളുടെ കണക്കുകൾ. ഭൂരിപക്ഷം എക്സിറ്റുപോൾ ഫലങ്ങളും ബിജെപി അധികാരത്തിലെത്തുമെന്നാണ് പ്രവചനം. ആം അദ്മി അധികാരത്തിൽ തുടരുമെന്ന് വീ പ്രീസൈഡ് അഭിപ്രായ സർവേ മാത്രമാണ് എഎപിയുടെ എകാശ്വാസം. കോൺഗ്രസ് മൂന്ന് സീറ്റുകൾ വരെ നേടുമെന്ന് ചാണക്യ അഭിപ്രായ സർവേ പറയുമ്പോൾ മറ്റെല്ലാം സർവേകളിലും രണ്ടുവരെ സീറ്റുകളാണ് ഒതുങ്ങുമെന്ന് പറയുന്നു.

ചാണക്യ അഭിപ്രായ സർവേ ഫലം 39- 44 ബിജെപി, ആം ആദ്മി 25-28, കോൺഗ്രസ് 2-3, മേട്രിസ് ബിജെപി 39-44, ആംആദ്മി 32-37, കോൺഗ്രസ് 1, ജെവിസി ബിജെപി 39-45, ആം ആദ്മി 22-31, കോൺഗ്രസ് 2, പി മാർക്ക് ബിജെപി 39-49, ആം ആദ്മി 21-31, പോൾ ഡയറി ബിജെപി42-50. ആം ആദ്മി 18-25, കോൺഗ്രസ് 0-2, വീ പ്രീസൈഡ് ആംആദ്മി 52, ബിജെപി 23, കോൺഗ്രസ് 1 എന്നിങ്ങനെയാണ് എക്സിറ്റ് പോൾ ഫലങ്ങൾ പറയുന്നത്. 

ആംആദ്മി, ബിജെപി, കോൺഗ്രസ് എന്നീ പാർട്ടികളുടെ ത്രികോണ മത്സരത്തിനാണു ഡൽഹി വേദിയായിരുന്നത്. 96 വനിതകളും ഒരു ട്രാൻസ്‌ജെൻഡറും ഉൾപ്പെടെ 699 സ്ഥാനാർഥികളാണ് മത്സരരംഗത്തുള്ളത്. കഴിഞ്ഞ 2 നിയമസഭാ തെരഞ്ഞെടുപ്പുകളിലും വമ്പൻ ഭൂരിപക്ഷത്തിലാണ് ആംആദ്മി പാർട്ടി അധികാരത്തിലേറിയിരുന്നത്. 10 വർഷമായി സീറ്റൊന്നും കിട്ടാത്ത കോൺഗ്രസിനും 28 വർഷമായി ഭരണത്തിനു പുറത്തിരിക്കുന്ന ബിജെപിക്കും ഇത് അഭിമാന പോരാട്ടം കൂടിയാണ്.

Exit polls for the Delhi assembly elections suggest a surprising setback for the Aam Aadmi Party, with some predicting a close contest between AAP and BJP.