ദോഹ: ഖത്തറില്‍ മഴയ്ക്ക് വേണ്ടി പ്രാര്‍ഥന നടത്തി. മഴയ്ക്കായി പ്രാര്‍ഥിക്കാന്‍ അമീര്‍ ശൈഖ് തമീം ബിന്‍ ഹമദ് അല്‍ഥാനി വിശ്വാസികളോട് ആഹ്വാനം ചെയ്തതിന്റെ ഭാഗമായാണ് പ്രാര്‍ഥന നടന്നത്.

രാജ്യത്തിന്റെ വിവിധ ഭാഗങ്ങളിലായി ഒരുക്കിയ 110 ഇടങ്ങളില്‍ ഇന്ന് രാവിലെ 6.05ന് മഴയ്ക്ക് വേണ്ടിയുള്ള പ്രാര്‍ഥന (ഇസ്തിസ്ഖ) നടന്നു. ലുസൈലിലെ പ്രാര്‍ഥനാ ഗ്രൗണ്ടില്‍ നടന്ന പ്രാര്‍ഥനയില്‍ അമീറും പങ്കുചേര്‍ന്നു. 

അമീറിന്റെ വ്യക്തിഗത പ്രതിനിധി ശൈഖ് ജാസിം ബിന്‍ ഹമദ് അല്‍ഥാനി, ശൈഖ് അബ്ദുല്ല ബിന്‍ ഖലീഫ അല്‍ഥാനി, ശൈഖ് ജാസിം ബിന്‍ ഖലീഫ അല്‍ഥാനി, മന്ത്രിമാര്‍ തുടങ്ങിയവരും പ്രാര്‍ഥനയില്‍ പങ്കെടുത്തു. ഖത്തര്‍ സുപ്രീംകോടതി ജഡ്ജിയും സുപ്രീം ജുഡീഷ്യറി കൗണ്‍സില്‍ അംഗവുമായ ഷെയ്ഖ് ഡോ. തഖീല്‍ സയര്‍ അല്‍ ഷമ്മാരി  പ്രാര്‍ഥനയ്ക്ക് നേതൃത്വം നല്‍കി.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Qatar's Emir has led a nationwide prayer for rain, seeking divine intervention to end the drought. The Emir participated in the prayer, joined by citizens across various centers.