കോഴിക്കോട്: എസ്. കെ. എസ്. എസ്. എഫ് ആദർശ സമ്മേളനത്തിനെതിരെ സോഷ്യൽ മീഡിയയിൽ തന്റെ പേരിൽ പ്രചരിപ്പിക്കുന്ന വ്യാജ പോസ്റ്ററിൽ ആരും വഞ്ചിതരാവരുതെന്ന് സമസ്ത കേരള ജംഇയ്യത്തുൽ ഉലമ പ്രസിഡന്റ്‌ സയ്യിദ് മുഹമ്മദ്‌ ജിഫ്രി മുത്തുക്കോയ തങ്ങൾ പറഞ്ഞു. "ആദർശം അമാനത്താണ് " എന്ന പ്രമേയത്തിൽ എസ്. കെ. എസ്. എസ്. എഫ് സംസ്ഥാന വ്യാപകമായി നടത്തുന്ന ക്യാമ്പയിന്റെ ഭാഗമായി കോഴിക്കോട് ജില്ല എസ്. കെ. എസ്. എസ്. എഫ് കമ്മിറ്റി മുതലക്കുളം മൈതാനിയിൽ ഇന്ന് നടത്തുന്ന ആദർശ സമ്മേളനം വിജയിപ്പിക്കണമെന്നും തങ്ങൾ അഭ്യർത്ഥിച്ചു.