റാസല്‍ഖൈമയിലെ പൊതു, സ്വകാര്യ സ്‌കൂള്‍ അധ്യാപകര്‍ക്കായി ഒരു പുതിയ ഗോള്‍ഡന്‍ വിസ പ്രോഗ്രാം പ്രഖ്യാപിച്ചു. റാസല്‍ ഖൈമ നോളജ് ഡിപ്പാര്‍ട്ട്‌മെന്റിന്റെ യോഗ്യതാ മാനദണ്ഡങ്ങള്‍ നിറവേറ്റുന്ന പ്രൊഫഷണലുകള്‍ക്ക് സ്വയം സ്‌പോണ്‍സര്‍ ചെയ്ത ദീര്‍ഘകാല റെസിഡന്‍സി സ്‌കീം ലഭിക്കും.

രണ്ട് പ്രധാന വിഭാഗം അധ്യാപകര്‍ക്കാണ് ഈ വിസ ആനുകൂല്യം ലഭിക്കുക.

a)  പ്രിന്‍സിപ്പല്‍മാര്‍, വൈസ് പ്രിന്‍സിപ്പല്‍മാര്‍, സ്‌കൂള്‍ ഡയറക്ടര്‍മാര്‍, തുടങ്ങിയവര്‍

b) നിലവില്‍ റാസല്‍ഖൈമയിലെ പൊതു, സ്വകാര്യ സ്‌കൂളുകളില്‍ ജോലി ചെയ്യുന്ന എല്ലാ യോഗ്യതയുള്ള അധ്യാപകരും.

അപേക്ഷിക്കുന്നത് എങ്ങനെ

യോഗ്യരായ അധ്യാപകര്‍ ഔദ്യോഗിക അപ്പോയിന്റ്‌മെന്റ് ലെറ്റര്‍, വിദ്യാഭ്യാസ യോഗ്യതകളുടെ തെളിവ്, റെസിഡന്‍സിയുടെയും ജോലിയുടെയും ഡോക്യുമെന്റേഷന്‍, സ്‌കൂള്‍ പ്രകടനം മെച്ചപ്പെടുത്തുന്നതിന് അവര്‍ നല്‍കിയ സംഭാവനകളുടെ തെളിവുകള്‍ എന്നിവ സമര്‍പ്പിക്കണം.

ആവശ്യമായ എല്ലാ രേഖകളും സമര്‍പ്പിച്ചുകഴിഞ്ഞാല്‍, RAK DOK  അവ അവലോകനം ചെയ്യുകയും ഗോള്‍ഡന്‍ വിസ പ്രോസസ്സിംഗിനായി ഫെഡറല്‍ അതോറിറ്റി ഫോര്‍ ഐഡന്റിറ്റി, സിറ്റിസണ്‍ഷിപ്പ്, കസ്റ്റംസ്, പോര്‍ട്ട് സെക്യൂരിറ്റി (ഐസിപി) സന്ദര്‍ശിക്കുന്നതിനുള്ള യോഗ്യതയുടെ സ്ഥിരീകരണം അധ്യാപകന് അയയ്ക്കുകയും ചെയ്യും.

എല്ലാ രാജ്യങ്ങളിലെയും യോഗ്യരായ അധ്യാപകര്‍ക്ക് ഗോള്‍ഡന്‍ വിസ ലഭ്യമാണ്. യോഗ്യതാ അവലോകനത്തിനായി RAK DOK  അപേക്ഷാ ഫീസ് ഈടാക്കുന്നില്ല. ഐസിപിക്ക് രേഖകള്‍ സമര്‍പ്പിക്കുമ്പോള്‍ അപേക്ഷകര്‍ ഒരു നിശ്ചിത ഫീസ് അടയ്‌ക്കേണ്ടി വന്നേക്കാം. സാധാരണ അവലോകന കാലയളവ് പരമാവധി രണ്ടാഴ്ചയാണ്. എഡ്യൂക്കേറ്റര്‍ ഗോള്‍ഡന്‍ വിസ അംഗീകരിച്ചുകഴിഞ്ഞാല്‍, കുടുംബാംഗങ്ങളെയും (പങ്കാളി, മാതാപിതാക്കള്‍, കുട്ടികള്‍) ദീര്‍ഘകാല താമസത്തിന് കൂടെക്കൂട്ടാമെന്ന് അതോറിറ്റി ഗൈഡില്‍ പറയുന്നു.

യോഗ്യതകള്‍

വിദ്യാഭ്യാസ മന്ത്രാലയത്തിന്റെ (MoE) അല്ലെങ്കില്‍ RAK DOK ല്‍ നിന്നുള്ള ഔദ്യോഗിക നിയമന കത്ത്.

ഉന്നത ബിരുദം (മാസ്റ്റേഴ്‌സ് അല്ലെങ്കില്‍ പിഎച്ച്ഡി), യുഎഇക്ക് പുറത്ത് ബിരുദം നേടിയിട്ടുണ്ടെങ്കില്‍, MoE യില്‍ നിന്നുള്ള തത്തുല്യ സര്‍ട്ടിഫിക്കറ്റ്.
 
കുറഞ്ഞത് മൂന്ന് വര്‍ഷമെങ്കിലും റാസല്‍ഖൈമയില്‍ താമസിക്കുകയും ജോലി ചെയ്യുകയും ചെയ്തിരിക്കണം.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The United Arab Emirates has launched a prestigious Golden Visa program aimed at recognizing and rewarding exceptional teachers in the private sector.