തൊടുപുഴ: ഇടുക്കി പീരുമേട്ടില്‍ സ്‌കൂള്‍ വിദ്യാര്‍ഥികള്‍ക്ക് നേരെ കാട്ടാന പാഞ്ഞടുത്തു. ഭയന്ന കുട്ടികള്‍ ചിതറിയോടി. തലനാരിഴക്കാണ് അപകടം ഒഴിവായത്. ബസ് കാത്തുനിന്ന മരിയാഗിരി സ്‌കൂളിലെ കുട്ടികള്‍ക്കു നേരെയാണ് കാട്ടാന പാഞ്ഞടുത്തത്. ബുധനാഴ്ച വൈകീട്ട് അഞ്ചുമണിയോടെയാണ് സംഭവം.

മുപ്പതോളം കുട്ടികള്‍ ബസ് സ്റ്റോപ്പ് പരിസരത്ത് നില്‍ക്കുന്നുണ്ടായിരുന്നു. ഇവര്‍ക്കിടയിലേക്കാണ് കാട്ടാന പാഞ്ഞടുത്തത്. സംഭവത്തിന്റെ വിഡിയോ പുറത്തുവന്നിട്ടുണ്ട്. ആന വരുന്നതുകണ്ട കുട്ടികള്‍ പല വഴിക്ക് ഓടി രക്ഷപ്പെടുകയായിരുന്നു. ഒരു വിദ്യാര്‍ഥിയുടെ തൊട്ടടുത്ത് വരെ ആനയെത്തി.

റോഡിന് കുറുകെ ഓടിയ ആന മറ്റൊരു വഴിയിലേക്ക് പോയി. നാട്ടുകാരും വൈദികരും ബഹളം വെച്ചാണ് പിന്നീട് കാട്ടാനയെ തുരത്തിയത്.

In a dramatic incident in Idukki, Kerala, an elephant charged towards school children waiting for a bus at the Mariagiri School bus stop.