ഒമാനിൽ അധ്യാപകരാകാൻ അവസരമൊരുക്കി ഒഡപെക്. കണക്ക് അധ്യാപകർക്കായുള്ള അപേക്ഷയാണ് ക്ഷണിച്ചിരിക്കുന്നത്. ഒഴിവുകൾ, ശമ്പളം, യോഗ്യത തുടങ്ങിയ വിശദ വിവരങ്ങൾ അറിയാം

നിലവിൽ രണ്ട് ഒഴിവുകളാണ് റിപ്പോർട്ട് ചെയ്തിരിക്കുന്നത്. സ്ത്രീകൾക്ക് മാത്രമാണ് ഈ ഒഴിവിലേക്ക് അപേക്ഷിക്കാനാകുക. എംഎസ് സി അല്ലെങ്കിൽ ബിഎസ് സി മാതമാറ്റിക്സ് ബിരുദവും ഒപ്പം ബിഎഡുമാണ് യോഗ്യതയായി വേണ്ടത്. കൂടാതെ, ഉദ്യോ​ഗാർത്ഥികൾക്ക് സിബിഎസ് സി അല്ലെങ്കിൽ ഐസിഎസ് ഇ വിഭാഗത്തിൽ മൂന്ന് വർഷത്തെ പ്രവൃത്തിപരിചയവും ആവശ്യമാണ്. ആശയവിനിമയ വൈദഗ്ധ്യവും ആവശ്യമാണ്. കേംബ്രിഡ്ജ് സിലബസിനെക്കുറിച്ച് അറിവുള്ള ഉദ്യോ​ഗാർത്ഥികൾക്ക് മുൻ​ഗണന ലഭിക്കും.

ഉദ്യോഗാർത്ഥികൾ അഭിമുഖത്തിലും ഡെമോ സെഷനിലും നടത്തുന്ന പ്രകടത്തിന്റെയും, പ്രവൃത്തി പരിചയത്തേയും ആശ്രയിച്ചാണ് ശമ്പള പാക്കേജ് നിശ്ചയിക്കുക. തിരഞ്ഞെടുക്കപ്പെട്ട ഉദ്യോ​ഗാർത്ഥികൾക്ക് 300 റിയാൽ അടിസ്ഥാന ശമ്പളമായി ലഭിക്കും. കൂടാതെ താമസം, റിട്ടേൺ ടിക്കറ്റ് തുടങ്ങിയ ആനുകൂല്യങ്ങളും ഉണ്ടാകും. തത്പരരും യോ​ഗ്യരുമായ ഉദ്യോ​ഗാർത്ഥികൾ [email protected] എന്ന വിലാസത്തിൽ മാർച്ച് രണ്ടിന് മുൻപായി അപേക്ഷ സമർപ്പിക്കണം.

ODEPC has announced recruitment for teaching positions in Oman, inviting eligible candidates to apply by March 2.