ദോഹ: ഖത്തറിൽ മറ്റന്നാൾ (ഫെബ്രുവരി 24 തിങ്കളാഴ്‌ച) മുതൽ തണുപ്പ് കൂടുമെന്നു കാലവസ്ഥ പ്രവചനം. തിങ്കളാഴ്ച രാത്രി മുതൽ ആറു ദിവസത്തോളം ശക്തമായ വടക്കുപടിഞ്ഞാറൻ കാറ്റ് വീശാൻ സാദ്ധ്യത ഉള്ളതുകൊണ്ടാണ് ഖത്തറിലെ താപനിലയിൽ മാറ്റം വരാൻ സാധ്യതയെന്നാണ് പ്രവചനം. ഈ സാഹചര്യത്തിൽ കടൽ സന്ദർശിക്കാനും മത്സ്യബന്ധനത്തിനും വിലക്കുണ്ട്. ഇത് താപനിലയിൽ ഗണ്യമായ ഇടിവിനൊപ്പം തണുപ്പ് കൂടാനും കാരണമാകും.

കാലാവസ്ഥയിലെ പുതിയ മാറ്റം  രാജ്യത്തിൻ്റെ ചില പ്രദേശങ്ങളിൽ പൊടിപടലത്തിനും കാഴ്ചശേഷി കുറയാനും കാരണമാകുമെന്ന് ഖത്തർ കാലാവസ്ഥാ വകുപ്പ് (ക്യുഎംഡി) പുറത്തിറക്കിയ കാലാവസ്ഥാ അപ്‌ഡേറ്റ്സിൽ പറയുന്നു. തിരമാലകളുടെ ഉയരം 6 അടി മുതൽ  14 അടി വരെ ഉയരുമെന്നും പ്രവചനമുണ്ട്. 

യുഎഇയിലും മറ്റന്നാൾ മുതൽ സമാന കാലാവസ്ഥയാണ് പ്രതീക്ഷിക്കുന്നത്. മറ്റന്നാൾ മുതൽ 26 വരെ തെക്ക് പടിഞ്ഞാറ് നിന്നുള്ള ന്യൂനമർദ്ദവും തുടർന്ന് പടിഞ്ഞാറ് നിന്നുള്ള ഉപരിതല ഉയർന്ന മർദ്ദം നീട്ടുന്നതും രാജ്യത്തെ കാലാവസ്ഥയെ ബാധിക്കുമെന്ന് NCM പ്രവചിക്കുന്നു. ഇത് യുഎഇ നിവാസികൾക്ക് വാരാന്ത്യത്തിൽ താപനിലയിൽ വർദ്ധനവ് പ്രതീക്ഷിക്കാം.  തിങ്കൾ മുതൽ ബുധൻ വരെ പ്രത്യേകിച്ച് തീരങ്ങളിലും പടിഞ്ഞാറൻ പ്രദേശങ്ങളിലും താപനിലയിൽ പ്രകടമായ കുറവുണ്ടാകും. ഇക്കാരണത്താൽ തിങ്കളാഴ്ച വൈകുന്നേരവും ചൊവ്വാഴ്ചയും മുതൽ ചില തീരദേശ, വടക്കൻ, കിഴക്കൻ മേഖലകളിൽ നേരിയതോ മിതമായതോ ആയ മഴ പെയ്യുമെന്ന് കാലാവസ്ഥാ നിരീക്ഷണ കേന്ദ്രം പ്രവചിക്കുന്നു. ശക്തമായ കാറ്റിൻ്റെ ഫലമായി പൊടിപടലങ്ങൾ വീശും.

Temperatures to drop starting Mondayi n Qatar