ഹൈദരാബാദ്: തെലങ്കാനയില്‍ നിര്‍മാണ പ്രവൃത്തി നടക്കുന്നതിനിടെ തുരങ്കം തകര്‍ന്നു. ആറോളം തൊഴിലാളികള്‍ തുരങ്കത്തിനുള്ളില്‍ കുടുങ്ങിക്കിടക്കുന്നതായി സംശയം. ശ്രീശൈലം ഡാമിന് പിന്നിലുള്ള തുരങ്കത്തിന്റെ ഒരു ഭാഗത്ത് തൊഴിലാളികള്‍ ചോര്‍ച്ച പരിഹരിക്കാന്‍ അകത്ത് കയറിയപ്പോഴാണ് തകര്‍ന്നത്. മൂന്നുപേരെ രക്ഷപ്പെടുത്തിയതായും നിരവധി പേര്‍ ഉള്ളില്‍ കുടുങ്ങി കിടക്കുന്നതായും ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. 

അതേസമയം രക്ഷാപ്രവര്‍ത്തനം പുരോഗമിച്ചുവരികയാണ്. 13 കിലോമീറ്റര്‍ ഉള്ളിലായിട്ടാണ് അപകടം നടന്നിട്ടുള്ളത്. നാല് ദിവസം മുമ്പാണ് തുരങ്കം വീണ്ടും തുറന്നതെന്നും അധികൃതര്‍ അറിയിച്ചു. ജില്ലാ കലക്ടര്‍, എസ്പി, ഫയർഫോഴ്‌സ്,  ജലസേചന വകുപ്പ് ഉദ്യോഗസ്ഥർ എന്നിവർ ഉടൻ സ്ഥലത്തെത്തി ദുരിതാശ്വാസ നടപടികൾ സ്വീകരിക്കാൻ മുഖ്യമന്ത്രി രേവന്ത് റെഡ്ഡി നിർദ്ദേശം നൽകി.