ദുബൈ ഇൻ്റർനാഷണൽ എയർപോർട്ടിന് (DXB) ചുറ്റും വികസന പ്രവർത്തനങ്ങൾ നടക്കുന്നതിനാൽ നിരവധി പൊതു ബസ് റൂട്ടുകളിൽ താൽക്കാലിക വഴിതിരിച്ചുവിടലുകൾ ഉണ്ടാകുമെന്ന് ദുബൈ റോഡ് ആൻഡ് ട്രാൻസ്പോർട്ട് അതോറിറ്റി (RTA) അറിയിച്ചു. ഇന്നലെ (ഫെബ്രുവരി 21) മുതൽ നിലവിൽ വന്ന ഈ മാറ്റങ്ങൾ ഇനിയൊരു അറിയിപ്പ് ഉണ്ടാകുന്നത് വരെ തുടരുമെന്നും അതോറിറ്റി അറിയിച്ചു. 
ഇതനുസരിച്ച് എയർപോർട്ട് ടെർമിനൽ 1 അറൈവൽ ഏരിയയിൽ ബസുകൾ പ്രവേശിക്കില്ല. 

1) റൂട്ട് 24: എയർപോർട്ട് ടെർമിനൽ 1 അറൈവൽ ബസ് സ്റ്റോപ്പിൽ നിന്നും അൽ നഹ്ദ സ്റ്റേഷനിലേക്കുള്ള സർവിസ് റദ്ദാക്കിയിട്ടുണ്ട്. ബദൽ മാർ​ഗമായി ഒരു താൽക്കാലിക ബസ് സ്റ്റോപ്പ് (നമ്പർ 544501) ചേർത്തിട്ടുണ്ട്.

2) റൂട്ട് 32C: അൽ സത്വ സ്റ്റേഷനിൽ നിന്ന് എയർപോർട്ട് ടെർമിനൽ 1 അറൈവൽ ബസ് സ്റ്റോപ്പിലേക്കുള്ള സർവിസും റദ്ദാക്കി. 

3) റൂട്ട് C01: അൽ സത്വ സ്റ്റേഷനിൽ നിന്ന് എയർപോർട്ട് ടെർമിനൽ 1 അറൈവൽ ബസ് സ്റ്റോപ്പിലേക്കുള്ള സർവിസും റദ്ദാക്കിയവയിൽ ഉൾപ്പെടുന്നു.

4) റൂട്ട് 33: അൽ കരാമ സ്റ്റേഷനിൽ നിന്നും എയർപോർട്ട് ടെർമിനൽ 1 അറൈവൽ ബസ് സ്റ്റോപ്പിലേക്കുള്ള സർവിസ് റദ്ദാക്കിയിട്ടുണ്ട്, എന്നാൽ എമിറേറ്റ്സ് മെട്രോ സ്റ്റേഷൻ ബസ് സ്റ്റോപ്പ് 1ൽ (235001) ഒരു താൽക്കാലിക സ്റ്റോപ്പ് ചേർത്തിട്ടുണ്ട്. 

5) റൂട്ട് 77: എയർപോർട്ട് ടെർമിനൽ 3 ബസ് സ്റ്റോപ്പുകൾ ഇരു ദിശകളിലും റദ്ദാക്കിയിട്ടുണ്ട്. 

6) റൂട്ട് N30: എയർപോർട്ട് ടെർമിനൽ 1 അറൈവൽ ബസ് സ്റ്റോപ്പ് ഇരു ദിശകളിലും റദ്ദാക്കപ്പെടും. അതേസമംയ, യാത്രക്കാർക്ക് അന്താരാഷ്ട്ര സിറ്റി ബസ് സ്റ്റേഷനിലേക്കുള്ള ബദൽ സ്റ്റോപ്പായി എയർപോർട്ട് ടെർമിനൽ 1 എക്സ്റ്റേണൽ പാർക്കിംഗ് ഉപയോഗിക്കാം. യാത്രകളിലെ കാലതാമസം ഒഴിവാക്കുന്നതിനായി, യാത്രകൾ മുൻകൂട്ടി ആസൂത്രണം ചെയ്യാനും അധിക യാത്രാ സമയം അനുവദിക്കാനും യാത്രക്കാരോട് റോഡ് ആൻഡ് ട്രാൻസ്പോർട്ട് അതോറിറ്റി (RTA) നിർദേശിച്ചു.

The Roads and Transport Authority (RTA) has announced temporary changes to bus routes near Dubai Airport, effective immediately, to ensure smoother traffic flow and minimal disruptions to passengers.