ജിദ്ദ: സഊദി അറേബ്യ ഇന്ന് സ്‌ഥാപക ദിനം ആഘോഷിക്കുകയാണ്, ഹിജ്റ 1139ൽ ദിരിയയിൽ ഇമാം മുഹമ്മദ് ബിൻ സഊദ് ആദ്യമായി സഊദി രാഷ്ട്രം സ്‌ഥാപിച്ചതിൻ്റെ സ്‌മരണക്കായാണ് ഫെബ്രുവരി 22ന് സഊദി അറേബ്യ സ്‌ഥാപക ദിനം ആഘോഷിക്കുന്നത്. രാജ്യചരിത്രത്തിൻ്റെയും മൂന്ന് നൂറ്റാണ്ടുകൾ നീളുന്ന ജനങ്ങളും നേതൃത്വവും തമ്മിലുള്ള ശക്‌തമായ ബന്ധത്തിന്റെയും തെളിവാണ് ദേശീയ ആഘോഷം.

മൂന്ന് നൂറ്റാണ്ടുകൾക്ക് മുൻപ് ദിരിയ തലസ്‌ഥാനമായി ആദ്യത്തെ സഊദി രാഷ്ട്രം സ്‌ഥാപിതമായത് മുതൽ പൗരന്മാരും നേതാക്കളും തമ്മിൽ നിലനിൽക്കുന്ന ബന്ധംവളരെ പ്രധാനപ്പെട്ടതാണ്. ഇസ്‌ലാം മതവും ഖുർആനും സുന്നത്തും ഭരണഘടനയുമായി സമ്പൂർണ പരമാധികാരമായിരുന്നു ആദ്യ രാജ്യം തുടർന്നിരുന്നത്, ഇന്നും ഇതേ പാരമ്പര്യമാണ് തുടരുന്നത്.

രാഷ്ട്രം സ്‌ഥിരത, വികസനം, സാമൂഹിക സുരക്ഷ എന്നിവക്ക് സ്ഥാപിതമായതുമുതൽ സഊദി നൽകി, ഇത് വെല്ലുവിളികളെ നേരിടാനും പ്രതിരോധശേഷി നിലനിർത്താനും ശക്തമായ അടിത്തറ സൃഷ്‌ടിക്കുന്നു. ഇമാം മുഹമ്മദ് ബിൻ സഊദ് സ്‌ഥാപിച്ച തങ്ങളുടെ സമ്പന്നമായ ചരിത്ര പൈതൃകത്തിൽ സഊദികൾ അഭിമാനിക്കുന്നു.

പിന്നീട്, രണ്ടാം സഊദി രാഷ്ട്രത്തിൻ്റെ സ്ഥാപകനായ ഇമാം തുർക്കി ബിൻ അബ്ദുല്ല ബിൻ മുഹമ്മദ് ബിൻ സഊദിന് കീഴിലും ഈ യാത്ര തുടർന്നു. പിന്നീട് അബ്‌ദുൽ അസീസ് ബിൻ അബ്‌ദുൽറഹ്‌മാൻ അൽ സഊദ് രാജാവായതാണ് സഊദി അറേബ്യയുടെ ഏകീകരണത്തിൽ കലാശിച്ചത്. അദ്ദേഹത്തിന്റെ കാഴ്‌ചപ്പാടും നേതൃത്വവും രാജ്യത്തിന്റെ വലിയ തോതിലുള്ള വളർച്ചയ്ക്ക് വഴിയൊരുക്കി. ഇത് ഒരു പ്രമുഖ പ്രാദേശിക, ആഗോള ശക്‌തിയെന്ന നിലയിലേക്ക് രാജ്യത്തേ നയിച്ചു.

ഭരണാധികാരി സൽമാൻ ബിൻ അബ്‌ദുൽ അസീസ് രാജാവിന്റെയും കിരീടാവകാശി മുഹമ്മദ് ബിൻ സൽമാൻ ബിൻ അബ്ദുൽ അസീസിൻ്റെയും നേതൃത്വത്തിൽ സഊദി അറേബ്യ ഇന്ന് പുരോഗതിയുടെയും നവീകരണത്തിന്റെയും പാതയിൽ തുടരുന്നു. കഴിഞ്ഞ മൂന്ന് നൂറ്റാണ്ടുകളിലെ സഊദി ഭരണകൂടത്തെ കുറിച്ച് ചിന്തിക്കാനുള്ള ഒരു അവസരമാണ് സ്‌ഥാപക ദിനം നൽകുന്നത്. 

സ്ഥാപക ദിനവുമായി ബന്ധപ്പെട്ട് സഊദി സാംസ്കാരിക മന്ത്രാലയം ഒരു ഫോട്ടോ മത്സരം സംഘടിപ്പിക്കുന്നുണ്ട്. സഊദി പരമ്പരാഗത രീതിയിൽ മികച്ച വസ്ത്രങ്ങളണിഞ്ഞ ഫോട്ടോകൾക്കാണ് സമ്മാനം ലഭിക്കുക. ഇത്തരത്തിൽ തിരഞ്ഞെടുക്കുന്ന മികച്ച ചിത്രങ്ങൾക്ക് രണ്ടായിരം റിയാൽ സമ്മാനമായി ലഭിക്കും. അമ്പത് മികച്ച ചിത്രങ്ങൾക്കാണ് സമ്മാനം ലഭിക്കുക. അതേസമയം, പ്രവാസികൾക്കും മത്സരത്തിൽ പങ്കെടുക്കാൻ സാധിക്കും.

Saudi Arabia commemorates its Founding Day, honoring the country's rich history and heritage that spans over three centuries.