സ്‌കൂള്‍ ബസില്‍ കുട്ടികള്‍ സുരക്ഷിതരാണോ എന്നറിയാനായി എമിറേറ്റിലെ സ്വകാര്യ സര്‍ക്കാര്‍ സ്‌കൂളുകളില്‍ അഭിപ്രായ സര്‍വ്വേ ആരംഭിച്ചു. സുരക്ഷയും ഗതാഗത നിലവാരവും സംബന്ധിച്ച 12  ചോദ്യങ്ങളാണ് സര്‍വ്വേയില്‍ രക്ഷിതാക്കള്‍ക്കും വിദ്യാര്‍ഥികള്‍ക്കും നല്‍കിയത്.

പൊതുവേ ഗതാഗത മേഖലയില്‍ സ്‌കൂളുകള്‍ വലിയ വെല്ലുവിളി നേരിടുന്നുണ്ട്. കുട്ടികള്‍ വീട്ടില്‍ നിന്ന് സ്‌കൂളിലെത്തുന്നത് വരെയും തിരിച്ച് വീട്ടിലെത്തുന്നതു വരെയുമുള്ള യാത്ര സുരക്ഷിതമല്ലെങ്കില്‍ കാര്യങ്ങള്‍ അത്ര സുഖകരമാകില്ല. അതുകൊണ്ട് തന്നെ ഈ സാഹചര്യത്തില്‍ കുട്ടികളും രക്ഷിതാക്കളും ട്രാന്‍സ്‌പോര്‍ട് സംവിധാനത്തില്‍ തൃപ്തരാണോ എന്നറിയാനാണ് സര്‍വേ നടത്തുന്നത്. ബസിലെ ശുചിത്വം മുതല്‍ സീറ്റുകളുടെ ലഭ്യത വരെ സര്‍വേയിലെ ചോദ്യങ്ങളില്‍ ഉള്‍പ്പെടുത്തിയിട്ടുണ്ട്.

കൂടാതെ, ബസുകള്‍ സ്റ്റോപ്പുകളിലെത്തുന്ന കൃത്യതയും ബസ് ഡ്രൈവര്‍മാര്‍ ട്രാഫിക് നിയമങ്ങള്‍ പാലിക്കുന്നുണ്ടോ എന്നെല്ലാമുള്ള ചോദ്യങ്ങള്‍ സര്‍വേയില്‍ ഉള്‍പ്പെടുത്തിയിരിക്കുന്നു. വിദ്യാര്‍ഥികളോടുള്ള ബസ് സൂപ്പര്‍ വൈസര്‍മാരുടെ പെരുമാറ്റം സംബന്ധിച്ചും അവരുടെ സേവനം സംബന്ധിച്ചുമുള്ള അഭിപ്രായങ്ങള്‍ രക്ഷിതാക്കള്‍ക്കും രേഖപ്പെടുത്താം. ഡ്രൈവറുടെയും ജീവനക്കാരുടെയും പെരുമാറ്റം, എന്താണ് സ്‌കൂള്‍ ബസ് യാത്രയില്‍ നേരിടുന്ന ഏറ്റവും വലിയ പ്രശ്‌നം തുടങ്ങിയ ചോദ്യങ്ങളെല്ലാം സര്‍വേയിലുണ്ട്.

Dubai's school bus transportation system has launched a survey to gather feedback from students and parents on their satisfaction with the service.