കേരള സർക്കാർ സ്ഥാപനമായ ഒഡപെക് വഴി വീണ്ടും യുഎഇയിലേക്ക് അവസരം. കാർ പോളിഷർ, കാർ ഡീറ്റെയ്ലർ തുടങ്ങിയ ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. രണ്ട് തസ്തികകളിലും 10 വീതമാണ് ഒഴിവുകളുണ്ട്. 

പത്താം ക്ലാസ് വിദ്യാഭ്യാസ യോഗ്യതയും, അതത് മേഖലയിൽ കുറഞ്ഞത് രണ്ട് വർഷത്തെ പ്രവൃത്തിപരിചയവുമുള്ള ഉദ്യോ​ഗാർത്ഥികൾക്ക് ജോലിക്ക് അപേക്ഷിക്കാവുന്നതാണ്. ആഴ്ചയിൽ 6 ദിവസമായിരിക്കും ജോലി, ഒമ്പത് മണിക്കൂറാണ് ജോലി സമയം. താമസവും യാത്രാ സൗകര്യവും സൗജന്യമായി ലഭിക്കും. കാർ പോളിഷർ തസ്തികയിൽ പ്രതിമാസം 1600 ദിർഹവും ഡീറ്റെയ്ലർ തസ്തികയിൽ 1800 ദിർഹവുമാണ് ശമ്പളം. താത്പര്യമുള്ള ഉദ്യോ​ഗാർത്ഥികൾ സിവി, പാസ്പോർട്ട്, ലൈസൻസ് കോപ്പി എന്നിവ സഹിതം [email protected] എന്ന വിലാസത്തിൽ അപേക്ഷ സമർപ്പിക്കണം. അപേക്ഷയുടെ പുറത്ത് "Car Polisher or Car Detailer'എന്നെഴുതുകയും വേണം. അപേക്ഷകൾ ആയക്കാനുള്ള അവസാന തീയതി ഫെബ്രുവരി 26 ആണ്.

ഹെവി ബസ് ഡ്രൈവർ നിയമനം

ഒഡപെക് യുഎഇ എവിയേഷനിൽ ഹെവി ബസ് ഡ്രൈവർമാരുടെ ഒഴിലേക്ക് നിയമനം നടത്തുന്നു. ആകെ 100 ഒഴിവുകളാണ് റിപ്പോർട്ട് ചെയ്തിരിക്കുന്നത്. യോഗ്യത, ശമ്പളം, അപേക്ഷിക്കേണ്ടത് എങ്ങനെ എന്നിങ്ങനെയുള്ള വിവരങ്ങൾ പരിശോധിക്കാം.

10ാം ക്ലാസ് യോഗ്യത ഉള്ളവർക്ക് ജോലിക്കായി അപേക്ഷിക്കാം. പുരുഷൻമാർക്ക് മാത്രമാണ് അപേക്ഷിക്കാൻ സാധിക്കുക. പ്രായപരിധി 25-40 വയസാണ്. ഇംഗ്ലീഷ് പരിജ്ഞാനം ലെവൽ 2 ആയിരിക്കണം, കൂടാതെ യുഎഇ അല്ലെങ്കിൽ ജിസിസി ഹെവി ബസ് ഡ്രൈവിങ് ലൈസൻസും ഉണ്ടായിരിക്കണം.

ഉദ്യോഗാർത്ഥികൾ ശാരീരകമായി ഫിറ്റ് ആയിരിക്കണം. കൂടാതെ, ശരീരത്തിന് പുറത്ത് ദൃശ്യമാകുന്ന തരത്തിൽ ടാറ്റൂ പാടില്ല. തിരഞ്ഞെടുക്കപ്പെടുന്ന ഉദ്യോ​ഗാർത്ഥികൾക്ക് 2700 ദിർഹം ശമ്പളം ലഭിക്കും. കൂടാതെ, സൗജന്യ താമസവും യാത്രാ സൗകര്യവും ലഭിക്കും. ഉദ്യോ​ഗാർത്ഥികൾക്ക് ഹാജർ അലവൻസായി 100 ദിർഹം അധികമായി ലഭിക്കും. ഉദ്യോ​ഗാർത്ഥികൾ സിവി, പാസ്പോർട്ട്, ലൈസൻസ് കോപ്പി എന്നിവ സഹിതം [email protected] എന്ന മെയിൽ ഐഡിയിലേക്കാണ് അപേക്ഷ സമർപ്പിക്കേണ്ടത്. കൂടാതെ, സബ്ജക്ട് ലൈനിൽ ഹെവി ബസ് ഡ്രൈവർ എന്ന് പരാമർശിക്കണം. അപേക്ഷകൾ ആയക്കാനുള്ള അവസാന തീയതി ഫെബ്രുവരി 26 ആണ്.

ODEPC invites 10th-grade students to apply for opportunities in the UAE. Interested students can submit their applications by February 26.