കിടങ്ങന്നൂര്‍: പി.ഐ.പി കനാലില്‍ ഒഴുക്കില്‍പെട്ട പത്താംക്ലാസുകാരായ രണ്ട് വിദ്യാര്‍ഥികളുടെ മൃതദേഹം കണ്ടെത്തി. മെഴുവേലി സ്വദേശി അഭിരാജ്, അനന്തു നാഥ് എന്നിവരാണ് മരിച്ചത്. പത്തനംതിട്ട കിടങ്ങന്നൂര്‍ നാക്കാലിക്കല്‍ എസ്.വി.ജി. എച്ച്.എസിലെ വിദ്യാര്‍ത്ഥികളായിരുന്നു ഇരുവരും. 

ഇന്നലെയാണ് രണ്ടുപേരെയും കാണാതായത്. തെരച്ചില്‍ നടത്തിയതിന് പിന്നാലെ കനാല്‍ കരയില്‍ ഇവരുടെ വസ്ത്രങ്ങള്‍ കണ്ടത്. കുളിക്കാനിറങ്ങിയപ്പോള്‍ ഒഴുക്കില്‍പെട്ടതാകാമെന്നാണ് സംശയം. 

എന്നാല്‍ ഇവരെ കണ്ടെത്താനായിരുന്നില്ല. ഇന്ന് രാവിലെ തിരച്ചില്‍ പുനരാരംഭിച്ചപ്പോഴാണ് മൃതദേഹങ്ങള്‍ കണ്ടെത്തിയത്. മൃതദേഹങ്ങള്‍ ആശുപത്രിയിലേക്ക് മാറ്റി.