കൽപ്പറ്റ:അവിശ്വാസ പ്രമേയത്തിലൂടെ പനമരം പഞ്ചായത്ത് ഭരണം എൽഡിഎഫിൽ നിന്ന്  പിടിച്ചെടുത്ത് യുഡിഎഫ്. വർഷങ്ങൾക്ക് ശേഷമാണ് പനമരം പഞ്ചായത്തിൽ യുഡിഎഫ് ഭരണത്തിലെത്തുന്നത്. എൽഡിഎഫിൽ നിന്ന് കൂറുമാറി തൃണമൂൽ കോൺഗ്രസിൽ ചേർന്ന ജനതാദൾ അംഗം ബെന്നി ചെറിയാന്റെ പിന്തുണയോടെയാണ് യുഡിഎഫ് പഞ്ചായത്ത് ഭരണം പിടിച്ചെടുത്തത്. 

മുസ്‌ലിം ലീഗ് പ്രതിനിധി 22-ാം വാർഡ് വെള്ളരി വയലിൽ നിന്ന് വിജയിച്ച ലക്ഷ്മി ആലക്കമറ്റമാണ് പുതിയ പഞ്ചാത്ത് പ്രസിഡന്റ്. കോൺഗ്രസിൽ നിന്നുള്ള തോമസ് പാറക്കാലാണ് വൈസ് പ്രസിഡന്റ്. നേരത്തെ, തദ്ദേശ തെരഞ്ഞെടുപ്പിൽ പഞ്ചായത്തിൽ ഒരു മുന്നണിക്കും ഭൂരിപക്ഷമില്ലാത്തതിനെ തുടർന്ന് നറുക്കെടുപ്പിലൂടെയാണ് സിപിഎമ്മിലെ ആസ്യയെ പ്രസിഡന്റായി തെരഞ്ഞെടുത്തത്. 

എന്നാൽ, മുന്നണികൾ തമ്മിൽ അഭിപ്രായവ്യത്യാസം രൂക്ഷമാവുകയും മുൻ പഞ്ചായത്ത് പ്രസിഡന്റിനെതിരെ അഴിമതിയരോപണവും വികസന പ്രവൃത്തികളിൽ അലംഭാവം കാണിച്ചതും ചൂണ്ടിക്കാട്ടിയാണ് പ്രസിഡന്റിനെതിരെ യുഡിഎഫ് അവിശ്വാസം പ്രമേയം ഉയർത്തിയത്. എൽഡിഎഫിൽ നിന്നും പുറത്താക്കപ്പെട്ട പതിനൊന്നാം വാർഡ് മെമ്പർ ബെന്നി ചെറിയാന്റെ പിന്തുണയോടെ അവിശ്വാസം പാസാവുകയായിരുന്നു. ബെന്നി പിന്നീട് തൃണമൂൽ കോൺഗ്രസിൽ ചേരുകയും യുഡിഎഫിനെ പിന്തുണക്കുകയുമായിരുന്നു.

In a surprising turn of events, the UDF has taken control of the Panamaram panchayat in Wayanad, Kerala, after an LDF member voted in favor of the UDF, leading to the defeat of the LDF-led administration