അബൂദബി: 2030ലെ അന്താരാഷ്ട്ര അക്വേറിയം സമ്മേളനനത്തിന് അബൂദബി വേദിയാകും. നാഷനൽ അക്വേറിയം അബൂദബി(എൻ.എ.എ.ഡി)യുടെ നേതൃത്വത്തിൽ സമ്മേളനത്തിന് ആതിഥ്യം വഹിക്കുന്നതിന് സമർപ്പിച്ച ബിഡിന് അംഗീകാരം ലഭിച്ചു. അബൂദബി കൺവെൻഷൻ ആൻഡ് എക്‌സിബിഷൻ ബ്യൂറോ, അബൂദബി സാംസ്കാരിക, വിനോദസഞ്ചാര വകുപ്പ് എന്നിവയുമായി സഹകരിച്ചാണ് അപേക്ഷ സമർപ്പിച്ചത്.

2024 ൽ മെക്സിക്കോയിൽ ചേർന്ന ഇൻ്റർനാഷനൽ അക്വേറിയം കോൺഗ്രസാണ് അപേക്ഷ സ്വീകരിച്ച് അബൂദബിയെ വേദിയായി തെരഞ്ഞെടുത്ത്. 2030 ഒക്ടോബറിലോ നവംബറിലോ ആയിരിക്കും അബൂദബിയിൽ വച്ച് ഇൻ്റർനാഷനൽ അക്വേറിയം കോൺഗ്രസ് നടക്കുക.

ഇതാദ്യമായാണ് പശ്ചിമേഷ്യയിൽ അക്വേറിയം കോൺഗ്രസ് നടക്കുന്നത്. 1960ൽ സ്ഥാപിതമായതുമുതൽ അക്വേറിയം മേഖലയിൽ സഹകരണവും വിജ്ഞാന വിനിമയവും പ്രോത്സാഹിപ്പിക്കുന്നതിനും അക്വേറിയം പ്രഫഷണലുകൾ, ഗവേഷകർ, അധ്യാപകർ എന്നിവരടങ്ങിയ ആഗോള പ്രേക്ഷകരെ ഒരുമിച്ച് കൊണ്ടുവന്ന് അക്വാട്ടിക് ശാസ്ത്രത്തിലെ പുതുമകളും വൈദഗ്‌ധ്യവും പങ്കിടുന്നതിനുള്ള മുൻനിര പ്ലാറ്റ്ഫോമായി ഓരോ മൂന്ന് വർഷത്തിലും ഇൻ്റർനാഷനൽ അക്വേറിയം കോൺഫറൻസ് കൂടാറുണ്ട്.

2030 ഇൻ്റർനാഷനൽ അക്വേറിയം കോൺഗ്രസിന് അബൂദബി വേദിയാകുന്നതിലൂടെ തങ്ങൾ ആദരിക്ക പ്പെടുകയാണെന്ന് അബൂദബി കൺവെൻഷൻ ആൻഡ് എക്‌സിബിഷൻ ബ്യൂറോ ഡയറക്ടർ മുബാറക് അൽ ഷംസി അറിയിച്ചു.

Abu Dhabi is set to host a major international conference on aquariums, bringing together experts and stakeholders to discuss aquatic conservation, sustainability, and the latest advancements in aquarium management.