കണ്ണൂര്‍: കാക്കയങ്ങാട് പന്നിക്കുവെച്ച കെണിയില്‍ പുലി കുടുങ്ങി. കാക്കയങ്ങാട് ടൗണിന് സമീപം സ്വകാര്യവ്യക്തിയുടെ വീട്ടുപറമ്പിലെ കേബിള്‍ കെണിയില്‍ കുടുങ്ങിയ നിലയിലാണ് പുലിയെ കണ്ടെത്തിയത്.  പൊലീസും വനം വകുപ്പും സ്ഥലത്തെത്തി.

ഇന്ന് രാവിലെയാണ് പുലി കെണിയില്‍ കുടുങ്ങിയതായി ശ്രദ്ധയില്‍പെട്ടത്. പുലിയ മയക്കുവെടി വെച്ച് പിടികൂടാന്‍ ശ്രമിക്കുകയാണ്. റബ്ബര്‍ തോട്ടത്തിലാണ് പുലി കെണിയില്‍ കുടുങ്ങിയത്. 

സുരക്ഷ കണക്കിലെടുത്ത് സമീപമുള്ള വീടുകളില്‍ നിന്ന് താമസക്കാരെ ഒഴിപ്പിച്ചിട്ടുണ്ട്. പ്രദേശത്തേക്ക് ആളുകളെ കടത്തിവിടുന്നില്ല. മുഴക്കുന്ന് പഞ്ചായത്ത് പരിധിയില്‍ നാളെ വൈകിട്ട് 5 വരെ നിരോധനാജ്ഞ പ്രഖ്യാപിച്ചു.  പുലിയെ കയറ്റാന്‍ വലിയ കൂട് വനംവകുപ്പ് എത്തിച്ചിട്ടുണ്ട്.