പത്തനംതിട്ട: തിരുവല്ലയില്‍ കരോള്‍ സംഘത്തിന് നേരെയുണ്ടായ ആക്രമണത്തില്‍  മൂന്ന് പേര്‍ പിടിയില്‍. കുമ്പനാട് കരാള്‍ സംഘത്തിന് നേരെയാണ് സാമൂഹ്യവിരുദ്ധരുടെ ആക്രമണമുണ്ടായത്. സംഭവത്തില്‍ സ്ത്രീകളടക്കം എട്ട് പേര്‍ക്ക് പരുക്കേറ്റു.

കുമ്പനാട് എക്‌സോഡസ് ചര്‍ച്ച് കാരള്‍ സംഘത്തിന് നേരെയായിരുന്നു ആക്രമണം. പത്തിലധികം വരുന്ന സംഘം അകാരണമായി ആക്രമിച്ചു എന്നായിരുന്നു കാരള്‍ സംഘത്തിന്റെ പരാതി. ഒരു പ്രകോപനവും ഇല്ലാതെയാണ് ആക്രമണം ഉണ്ടായതെന്നും ഭയാനകമായ ആക്രമമാണ് നടന്നതെന്നും സ്ത്രീകള്‍ അടക്കമുള്ള കാരള്‍ സംഘവും പറയുന്നു. പ്രദേശവാസികളായ ആളുകള്‍ തന്നെയാണ് പ്രശ്‌നമുണ്ടാക്കിയതൊന്ന് കോയിപ്രം പൊലീസ് പറഞ്ഞു.