പത്തനംതിട്ട: തങ്കഅങ്കി രഥഘോഷയാത്ര ഇന്ന് സന്നിധാനത്തെത്തും. എല്ലാ വഴിയിലും തീര്‍ഥാടകരാണ്. 
ഘോഷയാത്ര നാലാം ദിവസമായ ഇന്ന് രാവിലെ പെരുനാട് ക്ഷേത്രത്തില്‍ നിന്നു പുറപ്പെട്ടു. പുതുക്കട, ളാഹ, പ്ലാപ്പള്ളി, നിലക്കല്‍ അട്ടത്തോട് വഴി ഉച്ചയ്ക്ക് പമ്പയിലെത്തും.

22നു രാവിലെ ആറന്മുള പാര്‍ഥസാരഥി ക്ഷേത്രത്തില്‍ നിന്നാണ് തങ്ക അങ്കി രഥഘോഷയാത്ര ആരംഭിച്ചത്. മന്ത്രി വി.എന്‍ വാസവന്‍ ഘോഷയാത്രയെ സ്വീകരിക്കും. വൈകിട്ട് സന്നിധാനത്ത് ഘോഷയാത്രയെ സ്വീകരിക്കും. തുടര്‍ന്നു തങ്കഅങ്കി ചാര്‍ത്തിയുള്ള ദീപാരാധന നടക്കും. 

മണ്ഡലപൂജ നാളെ ഉച്ചയ്ക്ക് പന്ത്രണ്ടിനും 12.30നും ഇടയ്ക്കുള്ള മുഹൂര്‍ത്തത്തില്‍ തന്ത്രി കണ്ഠരര് രാജീവരുടെ കാര്‍മികത്വത്തില്‍ നടക്കും

30 വൈകിട്ട് അഞ്ചിന് മകരവിളക്കിനായി നട വീണ്ടും തുറക്കും. ജനുവരി 14നാണ് മകരവിളക്ക്.