അബൂദബി: യുഎഇയിലെ ഇന്ത്യന്‍ സ്‌കൂളുകളിലെ കെജി 1 പ്രവേശനത്തിനായുള്ള നടപടികള്‍ ആരംഭിച്ചു. 2025 ഏപ്രിലില്‍ ആരംഭിക്കുന്ന പുതിയ അധ്യയന വര്‍ഷത്തിലേക്കുള്ള നടപടികളാണ് തുടങ്ങിയിരിക്കുന്നത്. അപേക്ഷകരുടെ എണ്ണത്തിന് അനുസൃതമായി ഇന്ത്യന്‍ സ്‌കൂളുകളില്‍ സീറ്റുകള്‍ ലഭ്യമല്ലാത്തത് പ്രതിസന്ധി സൃഷ്ടിക്കുന്നുണ്ട്.

പുതിയ സ്‌കൂളുകള്‍ ആരംഭിക്കുകയോ നിലവിലെ സ്‌കൂളുകളില്‍ പുതിയ ഡിവിഷന് അനുമതി നല്‍കുകയോ ചെയ്യണമെന്ന ആവശ്യവും ഉയരുന്നുണ്ട്. താരതമ്യേന കുറഞ്ഞ ഫീസുള്ള സ്‌കൂളുകള്‍ക്കാണ് കൂടുതല്‍ അപേക്ഷകള്‍ ലഭിച്ചത്. ലഭ്യമായ സീറ്റിനേക്കാള്‍ പത്തിരട്ടിയിലേറെ അപേക്ഷകള്‍ ലഭിച്ച സ്‌കൂളുകള്‍ വരെയുണ്ട്. അതേസമയം ചില സ്‌കൂളുകള്‍ കുട്ടികളെ തിരഞ്ഞെടുക്കുന്നത് നറുക്കെടുപ്പിലൂടെയാണ്. എന്നാല്‍ ചില സ്‌കൂളുകള്‍ അപേക്ഷ ലഭിച്ച ക്രമമനുസരിച്ചും അഭിമുഖത്തിലൂടെയുമാണ് പ്രവേശനം നല്‍കുന്നത്.

ആകെ 100 സീറ്റുകളാണ് ബനിയാസിലെ ഇന്ത്യന്‍ ഇന്റര്‍നാഷണല്‍ സ്‌കൂളിലുള്ളത്. അതേസമയം 3,500 അപേക്ഷകളാണ് ലഭിച്ചത്. ഇതേ സ്‌കൂളില്‍ പഠിക്കുന്ന വിദ്യാര്‍ത്ഥികളുടെ സഹോദരങ്ങളുടെ അപേക്ഷകള്‍ മാത്രം 300 ലധികം വരുമെന്നാണ് പ്രിന്‍സിപ്പല്‍ ഡോ. ബിനൊ കുര്യന്‍ പറയുന്നത്. അതുകൊണ്ട് തന്നെ നേരിട്ട് അഭിമുഖം നടത്തി പ്രവേശനടപടികള്‍ ഏതാണ്ട് പൂര്‍ത്തിയാക്കിയെന്നും അദ്ദേഹം പറഞ്ഞു. അബൂദബി മോഡല്‍ പ്രൈവറ്റ് സ്‌കൂളില്‍ ലഭിച്ച 5975 അപേക്ഷകളില്‍ 2500 എണ്ണവും കെജി 1 ന്  വേണ്ടിയുള്ളതായിരുന്നു.

Indian schools in the UAE have started their admission process for KG 1. Parents can now enroll their children in renowned institutions like Global Indian International School (GIIS) Dubai, which offers a comprehensive curriculum and holistic education framework.