പൂനെ: ഇംഗ്ലണ്ടിനെതിരായ നാലാം ടി-20യിലും വിജയിച്ചുകൊണ്ട് ഇന്ത്യ പരമ്പര വിജയം ഉറപ്പിച്ചിരിക്കുകയാണ്. അവസാന മത്സരത്തിൽ 15 റൺസിനാണ് ഇന്ത്യ വിജയിച്ചത്. പരമ്പരയിൽ ഒരു മത്സരം ബാക്കിനിൽക്കെ തന്നെ 3-1ന് പരമ്പര സ്വന്തമാക്കാനും ഇന്ത്യക്ക് സാധിച്ചു. മത്സരത്തിൽ ആദ്യം ബാറ്റ് ചെയ്ത ഇന്ത്യ 20 ഓവറിൽ 9 വിക്കറ്റ് നഷ്ടത്തിൽ 181 റൺസാണ് നേടിയത്. വിജയലക്ഷ്യം മറികടക്കാനിറങ്ങിയ ഇംഗ്ലണ്ട് ഇന്നിങ്‌സ് 19.4 ഓവറിൽ 166 റൺസിൽ അവസാനിക്കുകയായിരുന്നു. 

ഇതോടെ മറ്റൊരു ടീമിനും എത്തിപ്പിടിക്കാൻ സാധിക്കാത്ത റെക്കോർഡ് വിജയകുതിപ്പാണ് ഇന്ത്യ നടത്തികൊണ്ടിരിക്കുന്നത്. സ്വന്തം തട്ടകത്തിൽ തുടർച്ചയായി ഏറ്റവും കൂടുതൽ പരമ്പരകൾ തോൽവിയറിയാതെ മുന്നേറുന്ന ടീമായാണ് ഇന്ത്യ ബഹുദൂരം മുന്നിൽ നിൽക്കുന്നത്. 2019 മുതൽ 2025 വരെ ഇന്ത്യ ഹോം ടി-20 സീരിസിൽ ഇതുവരെ തോൽവിയറിയാതെ 17 മത്സരങ്ങളാണ് പൂർത്തിയാക്കിയത്. 

ഹോം ടി-20 സീരിസിൽ തോൽവിയറിയാതെ ഏറ്റവും കൂടുതൽ പരമ്പരകൾ സ്വന്തമാക്കിയ ടീം

ഇന്ത്യ-17*-2019-2025

ഓസ്ട്രേലിയ-8-2006-2010

സൗത്ത് ആഫ്രിക്ക-7-2007-2010

ഇന്ത്യ-6-2018-2018

പാകിസ്താൻ-6-2016-2018