ദുബൈ: പൊതുമാപ്പ് പദ്ധതി ഡിസംബര്‍ 31ന് അവസാനിച്ചതിന് ശേഷം നടത്തിയ പരിശോധനയില്‍ 6,000 വിസ ലംഘകരെ അറസ്റ്റ് ചെയ്തു. അധികൃതര്‍ രാജ്യത്താകമാനം 270 പരിശോധനാ കാമ്പെയ്‌നുകള്‍ നടത്തിയതായി ഒരു ഉന്നത ഉദ്യോഗസ്ഥന്‍ തിങ്കളാഴ്ച പറഞ്ഞു.

'പരിശോധനാ കാമ്പെയ്‌നുകള്‍ തുടരുന്നതിനാല്‍ ഇത്തരം നിയമലംഘനങ്ങളെ നിസ്സാരമായി കാണരുതെന്ന് ഞങ്ങള്‍ പൊതുജനങ്ങളെ ഉപദേശിക്കുന്നു,' ഫെഡറല്‍ അതോറിറ്റി ഫോര്‍ ഐഡന്റിറ്റി, സിറ്റിസണ്‍ഷിപ്പ്, കസ്റ്റംസ് ആന്‍ഡ് പോര്‍ട്ട് സെക്യൂരിറ്റി (ഐസിപി) ഡയറക്ടര്‍ ജനറല്‍ മേജര്‍ ജനറല്‍ സുഹൈല്‍ സയീദ് അല്‍ ഖൈലി പറഞ്ഞു. 

യുഎഇയുടെ വിസ പൊതുമാപ്പ് പദ്ധതി കഴിഞ്ഞ വര്‍ഷം ഡിസംബര്‍ 31ന് ഔദ്യോഗികമായി അവസാനിച്ചിരുന്നു. ഇതിനെത്തുടര്‍ന്ന്, ഐസിപി, പൊലിസ് വകുപ്പുകളുമായും മാനവ വിഭവശേഷി, എമിറേറ്റൈസേഷന്‍ മന്ത്രാലയവുമായും  സഹകരിച്ച് ഈ വര്‍ഷം ജനുവരി 1 മുതല്‍ പരിശോധന കാമ്പെയ്‌നുകള്‍ ആരംഭിച്ചിരുന്നു.

സെപ്റ്റംബര്‍ 1ന് ആരംഭിച്ച പൊതുമാപ്പ് പദ്ധതിയിലൂടെ യുഎഇയില്‍ താമസിക്കുന്നവര്‍ക്ക് അവരുടെ റസിഡന്‍സി സ്റ്റാറ്റസ് ശരിയാക്കാനും പിഴയോടെയോ പിഴ കൂടാതെയോ സ്വന്തം രാജ്യങ്ങളിലേക്ക് മടങ്ങാനും അവസരം നല്‍കിയിരുന്നു.

UAE arrests 6,000 visa violators after amnesty ends