ന്യൂഡൽഹി: സർക്കാർ സ്ഥാപനങ്ങൾക്കു പുറമേ സ്വകാര്യ സ്ഥാപനങ്ങളുടെ സേവനങ്ങൾക്കും ആധാർ പ്രാമാണീകരണത്തിന് (ഓതന്റികേഷൻ) അനുമതി നൽകി കേന്ദ്രം വിജ്ഞാപനമിറക്കി. 2025 ലെ ആധാർ ഓതന്റികേഷൻ ഫോർ ഗുഡ് ഗവേണൻസ് ഭേദഗതി നിയമങ്ങൾ ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയം കഴിഞ്ഞ ദിവസം വിജ്ഞാപനം ചെയ്തു. ഇതോടെ സ്വകാര്യ സ്ഥാപനങ്ങൾക്ക് യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ പ്ലാറ്റ്‌ഫോമിൽ പ്രാമാണീകരണം നടത്താൻ അവസരം ലഭിക്കും.

നിലവിൽ സർക്കാർ വകുപ്പുകൾ, മന്ത്രാലയങ്ങൾ, ടെലികോം, ബാങ്കിങ്ക് സ്ഥാപനങ്ങൾ തുടങ്ങിയവയ്ക്കാണ് അനുമതിയുള്ളത്. ഇത് ഏത് സ്വകാര്യസ്ഥാപനത്തിനും ഉപയോഗിക്കാമെന്നാക്കിയാണ് മാറ്റിയിരിക്കുന്നത്. ആധാർ നമ്പറോ ബയോമെട്രിക് വിവരങ്ങളോ ഓൺലൈനായി നൽകി അതിന്റെ ആധികാരികത ആധാർ സെൻട്രൽ ഐഡന്റിറ്റീസ് ഡേറ്റ റിപ്പോസിറ്ററിയുടെ സഹായത്തോടെ ഉറപ്പുവരുത്തുന്നതിനെയാണ് ആധാർ പ്രാമാണീകരണം എന്നുവിളിക്കുന്നത്.

The Indian government has issued a new notification allowing private institutions to use Aadhaar authentication services,