കൽപ്പറ്റ: വയനാട്ടിൽ വീണ്ടും കാട്ടാന ആക്രമണം. വയനാട്  ചേകാടി ചന്ത്രോത്ത് വനഭാഗത്ത് കാട്ടാന ആക്രമണത്തിൽ ഒരാൾക്ക് ഗുരുതര പരുക്ക്. ചേകാടി പൊളന്ന എലിഫന്റ് വാലി റിസോർട്ടിലെ  നിർമ്മാണ തൊഴിലാളിയായ പാലക്കാട്  സ്വദേശി സതീഷിനാണ് ഞായറാഴ്ച പരുക്കേറ്റത്. ഇയാളെ മാനന്തവാടി മെഡിക്കൽ കോളേജിൽ എത്തിച്ച് പ്രാഥമിക ചികിത്സ നൽകിയ ശേഷം കോഴിക്കോട് മെഡിക്കൽ കോളേജിലേക്ക് കൊണ്ടുപോയി.

ഇന്ന് ഉച്ചയ്ക്ക് രണ്ടുമണിയോടെ ആയിരുന്നു ആനയുടെ ആക്രമണമുണ്ടായത്. സമീപത്തെ കടയിൽ സാധനം വാങ്ങാനായി പോയതായിരുന്നു സതീശനും മറ്റ് അഞ്ചുപേരും. ഇതിനിടെ സതീഷിന്റെ നേർക്ക് ആന പാഞ്ഞെത്തി. കൂടെയുണ്ടായിരുന്ന മറ്റ് നാലു പേർ തിരിഞ്ഞോടി. അതേസമയം സതീശൻ ഓടുന്നതിനിടയിൽ ആന പുറകിൽ നിന്നും ആക്രമിക്കുകയായിരുന്നു. സതീഷിന്റെ വയറിൽ ആനയുടെ കൊമ്പ് തുളഞ്ഞ് കയറി. സുൽത്താൻ ബത്തേരി എംഎൽഎ ഐ.സി ബാലകൃഷ്ണൻ ഉൾപ്പെടെയുള്ളവർ പിന്നീട് സ്ഥലത്തെത്തി.

A construction worker in Wayanad, Kerala, has been seriously injured in a wild boar attack, highlighting the growing concerns over human-wildlife conflict in the region.