റിയാദ്: രാജ്യത്തെ ഇ-വാലറ്റുകള്‍ക്കുള്ള നിയമങ്ങളും ചട്ടങ്ങളും പുറത്തിറക്കി സഊദി ദേശീയ ബാങ്കായ സാമ. നേരത്തെ പൊതുജനാഭിപ്രായം തേടി സാമ പുറത്തിറക്കിയ ഡ്രാഫ്റ്റ് നിയമങ്ങളാണ് ഭേദഗതികളോടെ അംഗീകരിച്ചത്. രാജ്യത്തെ സാമ്പത്തിക മേഖല വികസിപ്പിക്കുന്നതിനും ഇലക്ട്രോണിക് മണി ഇന്‍സ്റ്റിട്യൂഷനുകളെ ശാക്തീകരിക്കുന്നതിനുമുള്ള ശ്രമങ്ങളുടെ ഭാഗമാണ് നിയമങ്ങളും ചട്ടങ്ങളുമെന്ന് സാമ വൃത്തങ്ങള്‍ അറിയിച്ചു. ഇ-വാലറ്റ് നിയമങ്ങള്‍ മാര്‍ക്കറ്റ് പങ്കാളികളെ സംരക്ഷിക്കുന്നതിനും മേഖലയുടെ സുരക്ഷയും സ്ഥിരതയും വര്‍ദ്ധിപ്പിക്കുന്നതിനും ഊന്നല്‍ നല്‍കുന്നതാണ്.

ഇവയില്‍ പ്രധാനപ്പെട്ടവ രാജ്യത്ത് പ്രവര്‍ത്തിക്കുന്ന അംഗീകൃത ഇ.എം.ഐകള്‍ പാലിക്കേണ്ട റെഗുലേറ്ററി നിര്‍ദ്ദേശങ്ങളാണ്. ഇലക്ട്രോണിക് വാലറ്റുകള്‍ തുറക്കുന്നതിനുള്ള ആവശ്യകതകള്‍, ഉപയോക്താക്കളുടെ വിവരശേഖരണവും സ്ഥിരീകരണവും, നിഷ്‌ക്രിയ വാലറ്റുകള്‍ വര്‍ഗ്ഗീകരിക്കുന്നതിനും നിയന്ത്രിക്കുന്നതിനുമുള്ള പരിഗണനകള്‍ തുടങ്ങിയ കാര്യങ്ങളുമായി ബന്ധപ്പെട്ട വ്യവസ്ഥകളും നിബന്ധനകളും ഇവയില്‍ ഉള്‍പ്പെടുന്നു. സുതാര്യതയും പൊതുപങ്കാളിത്തവും ഉറപ്പ് വരുത്തുന്നതിനായി പൊതുജനങ്ങളില്‍ നിന്നും വിദഗ്ധരില്‍ നിന്നും അഭിപ്രായങ്ങള്‍ ആരാഞ്ഞ് നേരത്തെ ഡ്രാഫ്റ്റ് നിയമാവലി പുറത്തിറക്കിയിരുന്നു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

The Saudi National Bank has published rules and regulations for e-wallets in the country, aiming to promote digital financial services and ensure secure transactions ¹. These regulations will oversee various aspects of e-wallet operations, including licensing, data protection, consumer protection, and anti-money laundering measures.