കോഴിക്കോട്: മലാപ്പറമ്പില്‍ ജല അതോറിറ്റിയുടെ ബോര്‍ഡ് വെച്ച കരാര്‍ വാഹനത്തില്‍ ചന്ദനക്കടത്ത്. 35 കിലോ ചന്ദനവുമായി പന്തീരാങ്കാവ് സ്വദേശികളായ അഞ്ചുപേര്‍ ഫോറസ്റ്റിന്റെ പിടിയിലായി. രഹസ്യ വിവരത്തിന്റെ അടിസ്ഥാനത്തില്‍ ഫോറസ്റ്റ് ഇന്റലിജന്‍സ് സെല്ലും കോഴിക്കോട് ഫ്‌ളയിങ് സ്‌ക്വാഡ് റേഞ്ച് ഓഫീസറും നടത്തിയ പരിശോധനയിലാണ് ചന്ദനത്തടികള്‍ പിടികൂടിയത്. പിടിയിലായ പ്രതികളില്‍ നിന്ന് ലഭിച്ച വിവരത്തിന്റെ അടിസ്ഥാനത്തില്‍ വീണ്ടും നടത്തിയ പരിശോധനയിലാണ് 25 കിലോ ചന്ദനം കൂടി പിടികൂടിയത്. ഇരുചക്രവാഹനത്തില്‍ ചന്ദനം കടത്താന്‍ ശ്രമിച്ച മറ്റ് രണ്ട് പേര്‍കൂടി ഫോറസ്റ്റിന്റെ പിടിയിലായിട്ടുണ്ട്.