ആലപ്പുഴ: ആലപ്പുഴ മാന്നാറിൽ വീടിന് തീപിടിച്ച് വൃദ്ധ ദമ്പതികൾ മരിച്ചു. ചെന്നിത്തല സ്വദേശികളായ രാഘവൻ (92), ഭാരതി(90) എന്നിവരാണ് അപകടത്തിൽ മരണപ്പെട്ടത്. ഇന്നു പുലർച്ചെയായിരുന്നു സംഭവം നടന്നത്. വീട് പൂർണമായും കത്തിയ നിലയിലായിരുന്നു ഉണ്ടായിരുന്നത്. അപകടത്തിന്റെ കാരണം എന്താണെന്ന് ഇതുവരെ കണ്ടെത്താൻ സാധിച്ചിട്ടില്ല. വീട്ടിൽ ഒപ്പമുണ്ടായിരുന്ന ഇവരുടെ മകനെ അപകടത്തിന് ശേഷം കാണാതായി. പൊലിസ് മകനെ കണ്ടെത്താനുള്ള തെരച്ചിൽ ആരംഭിച്ചിരിക്കുകയാണ്. സംഭവത്തിൽ ദുരൂഹതയുണ്ടെന്നും പോലീസ് അറിയിച്ചു.