ജിദ്ദ: ചെങ്കടലിൽ സോളർ, വിൻഡ് ഊർജ സംഭരണത്തിനായി മികച്ച 10 ഇടങ്ങൾ കണ്ടെത്തി സഊദി. സൗദിയിലെ പ്രശസ്ത സർവകലാശാലകളിലൊന്നായ കിങ് അബ്‌ദുല്ല സയൻസ് ആൻഡ് ടെക്നോളജി യൂണിവേഴ്‌സിറ്റി നടത്തിയ ഗവേഷണ പഠനത്തിലാണ് പുതിയ കേന്ദ്രങ്ങൾ കണ്ടെത്തിയത്.

സഊദി വിഷൻ 2030 ന് അനുസൃതമായി പുനരുൽപ്പാദന ഊർജ സ്രോതസ്സുകളിലേക്കുള്ള രാജ്യത്തിന്റെ പരിവർത്തനം ത്വരിതപ്പെടുത്തുന്നതിനും ജലവിഭവ മാനേജ്മെന്റ് മെച്ചപ്പെടുത്തുന്നതിനും പുതിയ കണ്ടെത്തലുകൾ ഏറെ സഹായകമാണ്. പുനരുപയോഗ ഊർജ സ്രോതസ്സുകളിൽ നിന്ന് അതിന്റെ വൈദ്യുതി ശേഷിയുടെ പകുതിയെങ്കിലും കൈവരിക്കുകയാണ് ഇതിലൂടെ ലക്ഷ്യമിടുന്നത്.

2030നകം കുറഞ്ഞത് 50 ശതമാനം വൈദ്യുതിയെങ്കിലും പുനരുൽപാദന സ്രോതസ്സുകളിൽ നിന്ന് ഉൽപാദിപ്പിക്കുകയാണ് രാജ്യം ലക്ഷ്യമിടുന്നത്. ഇത് വഴി 2060 ആകുമ്പോഴേക്കും കാർബൺ പ്രസരണം പൂജ്യത്തിലേക്ക് എത്തിക്കാനാകും. സഊദിയുടെ ദീർഘകാല സുസ്‌ഥിര പദ്ധതിയുടെ പ്രധാന ഭാഗങ്ങളിലൊന്നാണ് പുനരുൽപാദന ഊർജം. എന്നാൽ ഉയർന്ന ആവശ്യകതയുള്ള സമയങ്ങളിൽ വിഭവങ്ങൾ സംഭരിക്കുന്നത് ഇപ്പോഴും ഒരു വെല്ലുവിളിയായി തുടരുന്നു.

Saudi Arabia has identified potential sites in the Red Sea for solar and wind energy storage projects, paving the way for the kingdom's ambitious renewable energy plans and a more sustainable future.