റിയാദ്: രാജ്യത്ത് ഡ്രോൺ ഡെലിവറി സർവിസുകൾക്ക് അനുമതി നൽകി സഊദി. കാലിഫോർണിയ ആസ്ഥാനമായി പ്രവർത്തിക്കുന്ന മാറ്റർനെറ്റ് എന്ന കമ്പനിക്കാണ് ഇതിന്റെ അനുമതി ലഭിച്ചിരിക്കുന്നത്. ഈ കമ്പനിയുടെ എം2 ഡ്രോണുകളാണ് സഊദിയിൽ ഡെലിവറി സേവനങ്ങൾ നടത്തുക. അടുത്ത വർഷത്തോടെ ഈ പദ്ധതി ആരംഭിക്കും. 

ഡ്രോണുകൾ ഉപയോ​ഗിച്ച് ഡെലിവറി സേവനങ്ങൾ നടത്തുന്നതിന് സഊദി അനുവദിച്ച ആദ്യ ലൈസൻസാണ് ഇത്. സഊദി അറേബ്യയുടെ സിവിൽ ഏവിയേഷൻ ജനറൽ അതോറിറ്റിയാണ് ഇതിന് അനുമതി നൽകിയത്. ഡ്രോൺ ഡെലിവറി സേവനങ്ങൾ വേ​ഗതയേറിയതും ചെലവ് കുറഞ്ഞതുമാണ്. ജനങ്ങളുടെ ജീവിത നിലവാരം ഉയർത്തുകയാണ് ഈ പദ്ധതിയിലൂടെ ലക്ഷ്യം വെക്കുന്നത്.

കഴിഞ്ഞ വർഷമാണ് മാർനെറ്റ് കമ്പനി ഡെലിവറി മേഖലയിലേക്ക് കടന്നുവരുന്നത്. അമേരിക്കയിലെ സിലിക്കൺ വാലിയിലായിരുന്നു കമ്പനിയുടെ ആദ്യകാല സേവനങ്ങൾ. പിന്നീട്, 2021ൽ അബൂദബി ആരോ​ഗ്യ വകുപ്പുമായുണ്ടായിരുന്ന പാർട്ട്നർഷിപ്പിലൂടെയാണ് ഇവർ മിഡിൽ ഈസ്റ്റ് മാർക്കറ്റിലേക്ക് ചുവടുവെക്കുന്നത്.

Saudi Arabia has given the green light to drone delivery services, paving the way for a futuristic logistics landscape.