കൊച്ചി: കൂത്താട്ടുകുളം കൗണ്‍സിലര്‍ കലാ രാജുവിന്റെ മകന്‍ ബാലുവിനെതിരായ സി.പി.എം പ്രാദേശിക നേതാവിന്റെ പരാതി വ്യാജമെന്ന് പൊലിസ്. തിരുമാറാടി ലോക്കല്‍ കമ്മിറ്റി അംഗം സിബി പൗലോസാണ് കലാരാജുവിന്റെ മകന്‍ ബാലുവും സുഹൃത്തുക്കളും ചേര്‍ന്ന് അക്രമിച്ചെന്ന് പരാതി നല്‍കിയത്. സംഭവത്തില്‍ പൊലിസ് കേസെടുത്തിരുന്നു. എന്നാല്‍ പരാതി വ്യാജമാണെന്ന് കണ്ടെത്തിയതിനെ തുടര്‍ന്ന് കേസ് എഴുതിതള്ളുമെന്ന് കൂത്താട്ടുകുളം സി.ഐ അറിയിച്ചു.

കൂത്താട്ടുകുളത്തെ സി.പി.എം ഏരിയാ കമ്മിറ്റി ഓഫീസിനു സമീപത്തുവെച്ച് തന്നെ ആക്രമിച്ചെന്നായിരുന്നു സിബി പൗലോസ് പൊലിസില്‍ പരാതി നല്‍കിയത്. എന്നാല്‍ സംഭവം നടന്നുവെന്ന് ആരോപിക്കുന്ന സമയം ബാലുവും സുഹൃത്തുക്കളും കൂത്താട്ടുകുളത്ത് ഉണ്ടായിരുന്നില്ലെന്ന് പൊലിസ് കണ്ടെത്തി. 

കൂത്താട്ടുകുളത്തെ സി.പി.എം ഏരിയാ കമ്മിറ്റി ഓഫീസിനു സമീപത്തുവെച്ച് തന്നെ ആക്രമിച്ചെന്നായിരുന്നു സിബി പൗലോസിന്റെ പരാതി. കഴമ്പില്ലാത്തതിനാല്‍  കേസ് എഴുതിത്തളളാന്‍ കോടതിക്ക് ഉടന്‍ റിപ്പോര്‍ട്ട് നല്‍കുമെന്ന് കൂത്താട്ടുകുളം പൊലീസ് അറിയിച്ചു.