ലോസ് ആഞ്ചലസ്: ലോസ് ആഞ്ചലസില്‍ 2,921 ഏക്കറോളം വരുന്ന പ്രദേശത്ത് കാട്ടുതീ പടർന്നു. വീടുകളടക്കം 13000 കെട്ടിടങ്ങൾ അപകടത്തെ തുടർന്ന് ഭീഷണിയിലാണ്. അപകടം നടന്ന സ്ഥലത്ത് നിന്ന് മുപ്പതിനായിരത്തോളം പേരെ ഒഴിപ്പിച്ചെന്നാണ് പ്രാഥമിക വിവരം. സംഭവത്തെ തുടർന്ന് ലോസ് ഏഞ്ചല്‍സില്‍ അടിയന്തരാവസ്ഥ പ്രഖ്യാപിച്ചിട്ടുണ്ട്.

Hollywood stars are having a hard time, literally — the largest wildfire has reached the Pacific Palisades area of ​​Los Angeles. Jennifer Aniston, Bradley Cooper, Tom Hanks and James Woods live there, among others.

The fire is devouring expensive villas and establishments, it… pic.twitter.com/PqBwnPsG4a

— Victor vickop55 commentary (@vick55top) January 8, 2025

ശക്തമായി പടർന്ന് പിടിച്ച തീ നിയന്ത്രണവിധേയമാക്കാൻ അഗ്നിശമന സേനാംഗങ്ങൾ അപകട സ്ഥലത്ത് എത്തിയിരുന്നു. പ്രാദേശിക സമയം വൈകുന്നേരം 6:30 ഓടെയാണ് പസഫിക് പാലിസേഡ്സിലാണ് തീപിടിത്തമുണ്ടായത്. ഇതുവരെ ആർക്കും പരുക്കുകളൊന്നും റിപ്പോർട്ട് ചെയ്തിട്ടില്ലെന്ന് അന്തർദേശീയ മാധ്യമങ്ങൾ റിപ്പോർട്ട് ചെയ്യുന്നു. പുരാതന ഗ്രീസിലെയും റോമിലെയും പ്രശസ്തമായ കലകളുടെ ശേഖരമുള്ള മാലിബുവിലെ ഹിൽടോപ്പ് മ്യൂസിയമായ ഗെറ്റി വില്ലയ്ക്ക് സമീപമാണ് അപകടകരമായ രീതിയിൽ തീ പടർന്നത്. അതേസമയം മ്യൂസിയത്തിലെ ശേഖരം സുരക്ഷിതമാണെന്ന് അ​ധികൃതർ അറിയിച്ചുവെന്ന് മാധ്യമങ്ങൾ റിപ്പോർട്ട് ചെയ്യുന്നു.

കാറ്റ് ശക്തി പ്രാപിക്കാനും കൂടുതൽ വിനാശം ഉണ്ടാകാനുമുളള സാധ്യതയുണ്ടെന്ന് ദേശീയ കാലാവസ്ഥാ മുന്നറിയിപ്പ് നൽകിയിട്ടുണ്ട്. ചൊവ്വാഴ്ച രാത്രി 10 മുതൽ ബുധനാഴ്ച പുലർച്ചെ അഞ്ച് വരെയാണ് ശക്തമായ കാറ്റ് പ്രതീക്ഷിക്കുന്നതെന്നും മുന്നറിയിപ്പിൽ പറയുന്നു. അതേസമയം, ലോസ് ആഞ്ചൽസ്, ഓറഞ്ച്, വെഞ്ചുറ, സാൻ ഡീഗോ, സാൻ ബെർണാർഡിനോ, റിവർസൈഡ് തുടങ്ങിയ പ്രദേശങ്ങളിൽ ബുധനാഴ്ച വൈകുന്നേരം ആറ് മണി വരെ കാറ്റ് ഉണ്ടാകുമെന്ന് ഗവർണറുടെ ഓഫിസ് അറിയിച്ചു.

A rapidly spreading wildfire in Los Angeles has put over 13,000 structures at risk, prompting emergency response efforts.