റിയാദ്: അന്താരാഷ്ട്ര തലത്തില്‍ പ്രാദേശിക സംസ്‌കാരത്തിന്റെ പ്രാധാന്യം സംരക്ഷിച്ചുകൊണ്ട് ചരിത്രപരവും സാംസ്‌കാരികവുമായ പൈതൃകത്തെ ആദരിക്കുന്നതിനായി സൗദി അറേബ്യ (കെഎസ്എ) 2025 കരകൗശല വര്‍ഷമായി പ്രഖ്യാപിച്ചു.

2025ല്‍ കരകൗശല വര്‍ഷത്തിന് കീഴില്‍ വിവിധ പരിപാടികള്‍, പ്രദര്‍ശനങ്ങള്‍, വിദ്യാഭ്യാസ പരിപാടികള്‍, ആവേശകരമായ മത്സരങ്ങള്‍ എന്നിവ സംഘടിപ്പിക്കാന്‍ സഊദി സാംസ്‌കാരിക മന്ത്രാലയം തീരുമാനിച്ചിട്ടുണ്ട്. 

ഈ സംരംഭം കരകൗശല വസ്തുക്കളുടെ സാംസ്‌കാരികവും ചരിത്രപരവുമായ പ്രാധാന്യം പ്രോത്സാഹിപ്പിക്കാന്‍ സഹായിക്കും. വിവിധ മേഖലകളിലെ പരമ്പരാഗത കലകളോടുള്ള ആദരവ് വളര്‍ത്തുകയും അവയുടെ തുടര്‍ച്ചയായ പരിശീലനവും സംരക്ഷണവും പ്രോത്സാഹിപ്പിക്കുകയും ചെയ്യുന്നു.