രാജ്യത്ത് നിന്ന് ഏതാനും വിഭാഗങ്ങളിൽ ഉൾപ്പെടുന്ന മാലിന്യം കയറ്റുമതി ചെയ്യാനുള്ള പരിസ്ഥിതി സംബന്ധിയായ ലൈസൻസ് താത്കാലികമായി നിർത്തലാക്കിയ തീരുമാനം തുടരാൻ തീരുമാനിച്ച് ഒമാൻ അധികൃതർ. ഇത്തരം ലൈസൻസുകൾ താത്‌കാലികമായി നിർത്തലാക്കിയ തീരുമാനം 2025-ലും തുടരുമെന്ന് ഒമാൻ എൻവിയോൺമെന്റ് അതോറിറ്റി അറിയിച്ചു.

#هيئة_البيئة | تنويه بشأن تمديد إيقاف إصدار التراخيص البيئية الخاصة بتصدير بعض أنواع المخلفات، ابتداءً من يناير 2025م ولمدة سنة. pic.twitter.com/LCJSqTMFVX

— هيئة البيئة - عُمان (@ea_oman) January 2, 2025

2025 ജനുവരി 2-നാണ് ഒമാൻ എൻവിയോൺമെന്റ് അതോറിറ്റി ഇത് സംബന്ധിച്ച അറിയിപ്പ് നൽകിയത്. ഈ തീരുമാന പ്രകാരം, 2025 ജനുവരി 1 മുതൽ ഒരു വർഷത്തേക്കാണ് ഈ വിലക്ക്.

ഉപയോഗിച്ച പാചക എണ്ണ, ഉപയോഗിച്ച ടയറുകൾ, സ്ക്രാപ്പ് ഇരുമ്പ്, ഉപയോഗിച്ച ബാറ്ററികൾ തുടങ്ങിയ വിഭാഗങ്ങളിൽ ഉൾപ്പെടുന്ന മാലിന്യങ്ങൾക്കാണ് ഈ വിലക്ക് ബാധകമായിട്ടുള്ളത്.

Oman has decided to continue its ban on issuing licenses for waste imports, as part of its efforts to protect the environment and promote sustainable waste management practices.