കൊച്ചി:ഐഎസ്എല്ലിൽ വിജയവഴിയിൽ തിരിച്ചെത്തി കേരള ബ്ലാസ്റ്റേഴ്‌സ്. കൊച്ചിയില്‍ പോരിനിറങ്ങിയ ബ്ലാസ്‌റ്റേഴ്‌സ് പട്ടികയില്‍ അവസാന സ്ഥാനത്തുള്ള മുഹമ്മദന്‍സ് എഫ്സിയെ മറുപടിയില്ലാത്ത 3 ഗോളുകള്‍ക്കാണ് തക്ർത്ത്.ബാസ്റ്റേഴ്സിന്റെ ലീഗിലെ നാലാം വിജയമാണിത്.

തുടര്‍ തോല്‍വികളും കോച്ചിന്റെ പുറത്താകലും പിന്നാലെ ആരാധകരുടെ പ്രതിഷേധവും തുടങ്ങി നിരവധി പ്രതികൂല സാഹചര്യങ്ങളിൽ ഇറങ്ങിയ കൊമ്പന്‍മാര്‍ക്ക് സ്വന്തം തട്ടകത്തില്‍ മിന്നും ജയം പിടിച്ച് തിരിച്ചെത്തുകയായിരുന്നു. ആദ്യ പകുതി ഗോള്‍ രഹിതമായപ്പോള്‍ 62ാം മിനിറ്റില്‍ മുഹമ്മദന്‍സ് താരം ഭാസ്‌കര്‍ റോയ് ദാനമായി നല്‍കിയ ഓണ്‍ ഗോളാണ് കളിയുടെ ഗതി തിരിച്ചത്.

പിന്നീട് കടുത്ത ആക്രമണം അഴിച്ചു വിട്ട കേരള ടീം അവസാന പത്ത് മിനിറ്റിനിടെ രണ്ട് ഗോളുകള്‍ കൂടി നേടിയെടുക്കുകയായിരുന്നു. 80ാം മിനിറ്റില്‍ നോഹ സദോയിയും 90ാം മിനിറ്റില്‍ അലക്‌സാന്ദ്ര കൊയേഫും ഗോളുകള്‍ നേടിയത്.