ഹൈദരാബാദ്: സന്തോഷ് ട്രോഫി ഫുട്ബോളിൽ ഗ്രൂപ്പ് ബിയിൽ മൂന്നാം ജയത്തോടെ ക്വാർട്ടർ ഉറപ്പിച്ച് കേരളം. ഡെക്കാൻ അരീന ടർഫ് ഗ്രൗണ്ടിൽ നടന്ന മത്സരത്തിൽ എതിരില്ലാത്ത രണ്ട് ഗോളുകൾക്കാണ് കേരളം ഒഡിഷയെ പരാജയപ്പെടുത്തിയത്.

മത്സരത്തിന്റെ 40-ാം മിനിറ്റിൽ മുഹമ്മദ് അജ്സലാണ് കേരളത്തിനായി വലകുലുക്കിയത്. ടൂർണമെന്റിലെ അജ്‌സലിന്റെ മൂന്നാം ഗോളാണിത്. രണ്ടാം പകുതിയിൽ നസീബ് റഹ്‌മാനിലൂടെ കേരളം (54) ലീഡ് ഉയർത്തി. ക്യാപ്റ്റൻ ജി സഞ്ജുവാണ് കളിയിലെ താരം.

Kerala captain and rock-solid defender Sanju G bags the Player of the Match award for his incredible performance on the field! 💪⚽
A true leader and a wall in defense. 👏🔥#CaptainFantastic #PlayerOfTheMatch #SanjuG #TeamKerala #KeralaFootball #SantoshTrophy pic.twitter.com/Db5xUGSEI6

— Kerala Football Association (@keralafa) December 19, 2024

ആദ്യ മത്സരത്തിൽ ഗോവയെയും രണ്ടാം മത്സരത്തിൽ മേഘാലയയെയും കീഴടക്കിയ കേരളം തുടർച്ചയായ മൂന്നാം ജയത്തോടെയാണ് ക്വാർട്ടറിൽ സ്ഥാനം പിടിച്ചത്. 22ന് ഡൽഹിയോടും 24ന് തമിഴ്‌നാടിനോടുമാണ് കേരളത്തിന്റെ അടുത്തമത്സരങ്ങൾ.

Kerala secured a thrilling win over Odisha to advance to the quarterfinals of the prestigious Santosh Trophy, marking a significant milestone in the tournament.