വെളുത്ത സോക്‌സുകള്‍ കാണാന്‍ നല്ലഭംഗിയാണ്. പക്ഷേ ഉപയോഗിച്ചു തുടങ്ങിയാല്‍ പിന്നെ പറയണ്ട. അതിന്റെ നിറം മാറിവരുന്നത് കാണാം. എന്നാല്‍ ഇനി വെളുത്ത സോക്‌സിനെ എന്നും പുതിയ പോലെ തന്നെ നിലനിര്‍ത്താന്‍  ചില വഴികളുണ്ട്.  

ചിലരെ കണ്ടിട്ടില്ലേ സോക്‌സുകള്‍ മാത്രം ഇട്ട് ചവിട്ടി നടക്കുന്നത്. ചെരിപ്പോ ഷൂ ഒന്നുമിടാതെ. ഇങ്ങനെ ചവിട്ടുന്നുണ്ടെ ങ്കില്‍ അവ നല്ല വൃത്തിയുള്ള സ്ഥലമാണെന്ന് ഉറപ്പു വരുത്തുക. 
അതുപോലെ ഷൂ വൃത്തിയായി സൂക്ഷിക്കുക. ഷൂവിലുള്ള വിയര്‍പ്പും പൊടിയും അടിഞ്ഞു സോക്‌സും വൃത്തികേടാവും.

കളറിളകുന്ന ഒന്നിന്റെ ഒപ്പവും സോക്‌സ് കഴുകാതിരിക്കുക. ഇരുണ്ട വസ്ത്രങ്ങള്‍ ഉണ്ടെങ്കില്‍ അവയുടെ കളര്‍ സോക്‌സില്‍ പിടിക്കും.

വെളള വസ്ത്രത്തിലും തുണിയിലുമുള്ള പാടുകള്‍ നീക്കം ചെയ്യാന്‍ ബ്ലീച്ച് ചെയ്യാവുന്നതാണ്. എന്നാല്‍ ബ്ലീച്ച് ഇല്ലാതെ ഇവ എങ്ങനെ വൃത്തിയാക്കാമെന്നു നോക്കാം.

ഇതിനുവേണ്ടി നമുക്ക് ഓക്‌സിജന്‍ വൈറ്റ്‌നറുകള്‍ ഉപയോഗിക്കാം. ചൂടുള്ള വെള്ളത്തില്‍ ഓക്‌സിജന്‍ വൈറ്റ്‌നര്‍ മിക്‌സ് ചെയ്ത് അതിലേക്ക് സോക്‌സ് ഇട്ട് അരമണിക്കൂര്‍ കുതിര്‍ത്തു വയ്ക്കുക. എന്നിട്ട് എടുത്ത് കഴുകി നോക്കിയേ. വെട്ടിത്തിളങ്ങും.