ദുബായ്: ദുബായിലെ പെയ്ഡ് പബ്ലിക് പാർക്കിംഗ് സംവിധാനത്തിൻ്റെ ഏറ്റവും വലിയ നടത്തിപ്പുകാരായ പാർക്കിൻ (Parkin) ഫീസ് ഘടനയിൽ മാറ്റം വരുത്തി. ഇതുപ്രകാരം ദുബായിലെ സോൺ എഫ് ഏരിയകളിലുടനീളം പേയ്മെൻ്റ് പാർക്കിംഗ് നിരക്കുകൾ വർദ്ധിപ്പിച്ചു. ഫെബ്രുവരി ഒന്നിന് നടപ്പാക്കിയ പുതിയ ഫീസ് എല്ലാ സോൺ എഫ് പാർക്കിംഗ് സ്ലോട്ടുകൾക്കും ബാധകമാണ്. 

അൽ സുഫൂഹ് 2, ദി നോളജ് വില്ലേജ്, ദുബായ് മീഡിയ സിറ്റി, ദുബായ് ഇൻ്റർനെറ്റ് സിറ്റി തുടങ്ങിയ പ്രദേശങ്ങൾ ഇതിൽ ഉൾപ്പെടുന്നു. ഈ സോണിലെ പണമടച്ചുള്ള പാർക്കിംഗ് സമയവും രാവിലെ 8 മുതൽ രാത്രി 10 വരെ നീട്ടിയിട്ടുണ്ട്. നേരത്തേ ഇത് 8 മുതൽ വൈകുന്നേരം 6 വരെ ആയിരുന്നു.

2025 മാർച്ച് അവസാനത്തോടെ നടപ്പിലാക്കാൻ ഉദ്ദേശിക്കുന്ന വേരിയബിൾ പാർക്കിംഗ് താരിഫ് നയത്തിൻ്റെ പ്രഖ്യാപനത്തിൻ്റെ ഭാഗമാണ് പുതിയ താരിഫും സമയ വർദ്ധനവും വരുന്നത്. പുതിയ നയം അനുസരിച്ച് പ്രീമിയം പാർക്കിംഗ് സ്ഥലങ്ങൾക്ക് മണിക്കൂറിന് 6 ദിർഹവും മറ്റ് പൊതു പണമടച്ചുള്ള പാർക്കിംഗിന് മണിക്കൂറിന് 4 ദിർഹവുമാണ് ഫീസ് നിശ്ചയിക്കുന്നത്. രാവിലെ തിരക്കേറിയ സമയത്തും (രാവിലെ 8 മുതൽ 10 വരെ) വൈകുന്നേരത്തെ തിരക്കേറിയ സമയത്തും (വൈകിട്ട് 4 മുതൽ 8 വരെ) ആണ് അധിക നിരക്ക്. തിരക്കില്ലാത്ത സമയങ്ങളിൽ രാവിലെ 10 മുതൽ വൈകിട്ട് 4 വരെയും രാത്രി 8 മുതൽ 10 വരെയും താരിഫുകൾ മാറ്റമില്ലാതെ തുടരും. രാത്രി 10 മുതൽ രാവിലെ 8 വരെ പാർക്കിംഗ് സൗജന്യമായിരിക്കും.

 ഞായറാഴ്ചകളിൽ ദിവസം മുഴുവനും ഫ്രീ ആണ്. 

ദുബായ് സോണുകളെ എ മുതൽ കെ വരെ ലേബൽ ചെയ്തിട്ടുള്ള മൊത്തം 11 സോണുകൾ അടങ്ങുന്ന മൂന്ന് വിഭാഗങ്ങളായി തിരിച്ചിരിക്കുന്നു. 

കാർ പാർക്കിംഗ് സോണുകളെ മൂന്ന് പ്രധാന തരങ്ങളായി തിരിച്ചിരിക്കുന്നു: 

വാണിജ്യ, വാണിജ്യേതര, പ്രത്യേക മേഖലകൾ. ഓരോ സോണിലും വാഹനങ്ങൾ പാർക്ക് ചെയ്യുമ്പോൾ ഡ്രൈവർമാർ അറിഞ്ഞിരിക്കേണ്ട നിർദ്ദിഷ്ട പാർക്കിംഗ് നിയന്ത്രണങ്ങളും ഫീസും ഉണ്ട്.

പുതിയ നിരക്ക്:

    30 minutes - Dh2

    1 hour - Dh4

    2 hours - Dh8

    3 hours - Dh12

    4 hours - Dh16

    5 hours - Dh20

    6 hours - Dh24

    7 hours - Dh28

    24 hours - Dh32

The previous rates were:

    1 hour - Dh2

    2 hours - Dh5

    3 hours - Dh8

    4 hours - Dh11

New parking fees, timings announced in these Dubai 4 key areas