ബജറ്റില്‍ മുതിര്‍ന്ന പൗരന്‍മാര്‍ക്ക് ആശ്വാസകരമാകുന്ന നിരവധി പ്രഖ്യാപനങ്ങള്‍. മുതിര്‍ന്ന പൗരന്‍മാര്‍ക്കുള്ള നികുതിയിളവ് 50,000 രൂപയില്‍ നിന്ന് ഒരു ലക്ഷമാക്കി ഉയര്‍ത്തിയതാണ് പ്രധാനം. സ്ഥിര നിക്ഷേപമടക്കമുള്ള മുതിര്‍ന്ന പൗരന്മാര്‍ക്ക് ഇത് നേട്ടമാകും. 

ഇതോടൊപ്പം വാടകയ്ക്കുള്ള ടി.ഡി.എസ് പരിധിയും വര്‍ധിപ്പിച്ചിട്ടുണ്ട്. വാടകയ്ക്കുള്ള ടിഡിഎസിന്റെ വാര്‍ഷിക പരിധി 2.40 ലക്ഷത്തില്‍ നിന്ന് ആറു ലക്ഷമായാണ് വര്‍ധിപ്പിച്ചിരിക്കുന്നത്. വാടക വരുമാനത്തിന്മേലുള്ള നികുതി ഭാരം കുറച്ചു. ഇത് ഇടത്തരം നികുതിദായകര്‍ക്ക് ആശ്വാസകരമാകുമെന്നും ധനമന്ത്രി നിര്‍മലാ സീതാരാമന്‍ പറഞ്ഞു.