തിരുവനന്തപുരം: നൂറാം വിക്ഷേപണത്തിലൂടെ ഐഎസ്ആർഒ ബഹിരാകാശത്തേക്ക് അയച്ച എൻവിഎസ് 02 ഉപഗ്രഹത്തിന് സാങ്കേതിക തകരാർ കണ്ടെത്തി. വിക്ഷേപണത്തിന് ശേഷം ഉപ​ഗ്രഹത്തിൻ്റെ ഭ്രമണപഥം ഉയർത്താൻ സാധിക്കാതെ വന്നതോടെയാണ് തകരാർ മനസിലാക്കാൻ സാധിച്ചത്. ഇതോടെ ഉപഗ്രഹത്തെ രക്ഷിച്ചെടുക്കാനുള്ള തീവ്ര ശ്രമത്തിലാണ് ഐഎസ്ആർഒ.ഐഎസ്ആർഒയുടെ നൂറാമത് വിക്ഷേപണമായിരുന്നു ഇത്.  ജിയോസിൻക്രണസ് ട്രാൻസ്ഫർ ഓർബിറ്റിൽ (ജിടിഒ) ഉപഗ്രഹം സ്ഥാപിച്ച്. കൃത്യമായ സ്ഥാനനിർണ്ണയം നൽകുന്നതിനായി രൂപകൽപ്പന ചെയ്തിട്ടുള്ള ഇന്ത്യയുടെ നാവിഗേഷൻ വിത്ത് ഇന്ത്യൻ കോൺസ്റ്റലേഷൻ (നാവിക്) സംവിധാനത്തിൻ്റെ ഭാഗമാണ് എൻവിഎസ്-02 ഉപഗ്രഹം.

"ISRO's 100th Launch Hits Snag: NVS-02 Satellite Faces Technical Glitch"