ദുബൈ; ഗതാഗതം സുഗമമാക്കുന്നതിനും സുരക്ഷ വർധിപ്പിക്കുന്നതിനുമായി ഷെയ്‌ഖ് സായിദ് റോഡിൽ മൂന്ന് പ്രധാന ട്രാഫിക് പദ്ധതികൾ നടപ്പാക്കി ദുബൈ റോഡ്‌സ് ആൻഡ് ട്രാൻസ്പോർട്ട് അതോറിറ്റി (ആർടിഎ). അൽ മനാറയിലേക്കുള്ള ഗതാഗതത്തിനായി ഒരു അധിക പാത അവതരിപ്പിക്കുന്നുണ്ട്, കൂടാതെ ഉമ്മുൽ ഷെയ്ഫ് സ്ട്രീറ്റിനും അൽ മനാറ സ്ട്രീറ്റിനും ഇടയിൽ അബൂദബിയുടെ ദിശയിൽ ലയിക്കുന്ന ദൂരം നീട്ടുന്നതാണ് ആദ്യത്തേ പദ്ധതി.

ഈ ദിശയിലുള്ള വാഹനങ്ങളുടെ ശേഷി 30 ശതമാനത്തോളം വർധിപ്പിക്കാനും എൻട്രി, എക്‌സിറ്റ് ഒഴുക്ക് ഗണ്യമായി മെച്ചപ്പെടുത്താനും ലക്ഷ്യമിട്ടാണ് പുതിയ പദ്ധതിയെന്ന് ആർടിഎ റോഡ് ഫെസിലിറ്റീസ് മെയിൻ്റനൻസ് ഡയറക്‌ടർ അബ്‌ദുല്ല ലൂത്ത വ്യക്തമാക്കി. ഷെയ്ഖ് സായിദ് റോഡ് ദുബൈ മാളിനടുത്തെ ആദ്യ ഇന്റർചേഞ്ചിലേക്കുള്ള ഷാൻഗ്രില ഹോട്ടലിന് മുൻപിലെ സർവിസ് എക്സിറ്റ് റോഡ് നവീകരണമാണ് മറ്റൊരു പദ്ധതി.

സർവിസ് റോഡിൽ നിന്നുള്ള പ്രവേശനവും അൽ സഫ സ്ട്രീറ്റിലേക്കും ദുബൈ മാളിലേക്കുമുള്ള എക്‌സിറ്റിനും ഇടയിലുള്ള ലയന ദൂരങ്ങൾ വിപുലീകരിക്കുന്നത് ഈ സ്‌ഥലത്തെ ഗതാഗതം മെച്ചപ്പെടുത്തുന്നതും തിരക്ക് ലഘുകരിക്കുന്നതും ലക്ഷ്യമിട്ടാണെന്ന് ആർടിഎ അറിയിച്ചു.

അൽ മറാബി സ്ട്രീറ്റിനും അൽ മനാറ സ്ട്രീറ്റിനും ഇടയിലുള്ള ലയന ദൂരം അബൂദബിയുടെ ദിശയിലേക്ക് നീട്ടുന്നത് ഉൾപ്പെടുത്തിയാണ് മൂന്നാമത്തെ നവീകരണം. വിവിധ സ്‌ഥലങ്ങളിലെ തിരക്കും കാത്തിരിപ്പ് ദൈർഘ്യവും കുറയ്ക്കുന്നതിനും തിരക്കുള്ള സമയങ്ങളിൽ വാഹനങ്ങളുടെ ചലനം മെച്ചപ്പെടുത്താനും വേണ്ടിയാണ് ഈ പദ്ധതി രൂപകൽപ്പന ചെയ്തിരിക്കുന്നതെന്ന് ലൂത്ത വിശദീകരിച്ചു.

Dubai's Roads and Transport Authority (RTA) launches three key traffic projects on Sheikh Zayed Road, aimed at enhancing traffic flow and reducing congestion.