കൊച്ചി: ഫോ‍ർട്ട് കൊച്ചിക്കടുത്ത് അമരാവതിയിൽ ഇലക്ട്രോണിക് കടയ്ക്ക് തീപിടിച്ചു. സ്ഥലത്ത് അഗ്നിരക്ഷാ സേനയും നാട്ടുകാരും തീയണക്കാനുള്ള ശ്രമം തുടങ്ങി. കൊച്ചി അമരാവതിയിൽ ജനവാസ മേഖലയിൽ പ്രവർത്തിച്ചിരുന്ന ഫ്രിഡ്ജ് കടയ്ക്കാണ് തീ പടർന്നത്. തീ വലിയ രീതിയിൽ പടര്‍ന്നത് പരിഭ്രാന്തി പരത്തി.

നൂറുകണക്കിന് ഫ്രിഡ്ജുകളും തുണിത്തരങ്ങളും സൂക്ഷിച്ചിരുന്ന കെട്ടിടത്തിന് രാത്രി എട്ടുമണിയോടെയാണ് തീപിടിച്ചത്. രണ്ടര മണിക്കൂറിലേറെ നീണ്ട പരിശ്രമത്തിനൊടുവിൽ ആണ് തീ ഒരു പരിധിവരെ നിയന്ത്രണവിധേയമാക്കാൻ ഫയർഫോഴ്സിന് സാധിച്ചത്. ആളപായമില്ല . കെട്ടിടത്തിലെ തീ പൂര്‍ണമായും അണച്ച് സുരക്ഷിതമാക്കാനുള്ള ശ്രമങ്ങൾ ഫയർഫോഴ്സിന്‍റെ നേതൃത്വത്തിൽ ഇപ്പോഴും തുടർന്നു വരുകയാണ്.