കൊല്ലം: ആര്യങ്കാവിൽ ഓടിക്കൊണ്ടിരുന്ന ട്രെയിനിന്റെ ബോഗികൾ വേർപെട്ടു. ന്യൂ ആര്യങ്കാവ് റെയിൽവേ സ്റ്റേഷന് സമീപം ഉച്ചയ്ക്ക് മൂന്ന് മണിയോടെ ഗുരുവായൂർ - മധുര എക്സ്പ്രസ്സിന്റെ ബോഗികളാണ് വേർപ്പെട്ടത്. നിറയെ യാത്രക്കാരുമായി ഓടിക്കൊണ്ടിരിക്കെയാണ് ട്രെയിനിൽ നിന്ന് ബോഗികൾ വേർപെട്ടത്.

ഓട്ടോമാറ്റിക് ബ്രേക് സിസ്റ്റം ഉണ്ടായിരുന്നതിനാൽ വേർപെട്ട് മുന്നോട്ട് പോയ എഞ്ചിനോട് ചേർന്ന ഭാഗം അധികം ദൂരത്തല്ലാതെ നിൽക്കുകയായിരുന്നു. ട്രെയിനിൻ്റെ മധ്യഭാഗത്ത് നിന്നായിരുന്നു ബോഗികൾ തമ്മിലെ ബന്ധം വേർപെട്ടത്. തുടർന്ന് റെയിൽവെ സാങ്കേതിക വിഭാഗം ജീവനക്കാർ സ്ഥലത്തെത്തി പ്രശ്നം പരിഹരിച്ചു. ഈ ഭാഗത്ത്  അര മണിക്കൂറോളം ട്രെയിൻ ഗതാഗതം തടസപ്പെട്ടു. 

A coach of the Guruwayur-Madurai Express train derailed near Ariyankavu Railway Station in Kerala, but fortunately, no casualties were reported.