അഡിസ് അബാബ: എത്യോപ്യയില്‍ യാത്രക്കാരുമായി പോയ ട്രക്ക് നദിയിലേക്ക് മറിഞ്ഞ് 71 പേര്‍ കൊല്ലപ്പെട്ടു. ബോണ ജില്ലയിലാണ് അപകടമുണ്ടായതെന്ന് റീജിയണല്‍ കമ്മ്യൂണിക്കേഷന്‍ ബ്യൂറോ ഞായറാഴ്ച പുറത്തിറക്കിയ പ്രസ്താവനയില്‍ പറഞ്ഞു.

68 പുരുഷന്മാരും മൂന്ന് സ്ത്രീകളും ഉള്‍പ്പെടെ 71 പേരാണ് അപകടത്തില്‍ മരിച്ചത്. അതീവ ഗുരുതരവാസ്ഥയിലായ അഞ്ചുപേര്‍ ബോണ ജനറല്‍ ആശുപത്രിയില്‍ ചികിത്സയിലാണ്.

നിരവധി വളവുകളുള്ള റോഡില്‍ നിന്നും ട്രക്ക് നിയന്ത്രണം വിട്ട് നദിയിലേക്ക് മറിയുകയായിരുന്നു. യാത്രക്കാരില്‍ മിക്കവരും ഒരു വിവാഹ ചടങ്ങില്‍ നിന്ന് മടങ്ങുന്നവരായിരുന്നു.