പത്തനംതിട്ട: പെരിയ കൊലപാതകത്തില്‍ സി.പി.എമ്മിന് യാതൊരു ബന്ധവുമില്ലെന്ന് സി.പി.എം നേതാവ് എ.കെ ബാലന്‍. കൊലപാതകം നടന്നത് സി.പി.എം ഉന്നത നേതൃത്വത്തിന്റെ അറിവോടെയല്ലെന്നും കൊലയാളി പാര്‍ട്ടിയാരാണെന്ന് ജനങ്ങള്‍ക്ക് വ്യക്തമായി അറിയാമെന്നും അദ്ദേഹം പറഞ്ഞു. എല്ലാം നിയമപരമായ നടപടിയെന്നും പൊലിസ് മികച്ച അന്വേഷണം നടത്തിയെന്നും അദ്ദേഹം പറഞ്ഞു.

''കൊലയാളി പാര്‍ട്ടിയാണ് സിപിഎം എന്നു പറയുന്നത് കോണ്‍ഗ്രസ് ആണല്ലോ. തൃശൂരില്‍ ഇരട്ടക്കൊലപാതകം നടന്നല്ലോ. ഒരു കോണ്‍ഗ്രസുകാരനെ മറ്റൊരു കോണ്‍ഗ്രസുകാരന്‍ കൊല്ലാന്‍ ഒരു മടിയും കാണിച്ചില്ല. അതു കേരളം കണ്ടതാണ്. രണ്ട് ഗ്രൂപ്പായി പോയതുകൊണ്ടാണ് അത് സംഭവിച്ചത്. പച്ചയായി അറുത്തു കൊന്നു. ആ പാര്‍ട്ടിയാണ് സിപിഎം കൊലയാളി പാര്‍ട്ടിയാണ് എന്നു പറയുന്നത്''  ബാലന്‍ പറഞ്ഞു.

അതേസമയം, പെരിയ കൊലപാതകത്തെക്കുറിച്ചുളള ചോദ്യത്തിന് മറുപടിയായി വിധി വന്നതിനുശേഷം പ്രതികരിക്കാമെന്ന് സി.പി.എം. സംസ്ഥാന സെക്രട്ടറി എം.വി.ഗോവിന്ദന്‍ പറഞ്ഞു.