ദോഹ: ഇന്ത്യയുടെ പൊതുമേഖലാസ്ഥാപനമായ ഗെയിലുമായി അഞ്ച് വര്‍ഷത്തെ ദ്രവീകൃത പ്രകൃതി വാതക (എല്‍.എന്‍.ജി) വിതരണ കരാറില്‍ ഒപ്പുവെച്ച് ഖത്തര്‍. 2025 മുതല്‍ 2030 വരെയാണ് കരാറിന്റെ കാവാവധി. കരാര്‍ പ്രകാരം ഖത്തര്‍ ഏപ്രില്‍ മുതല്‍ പ്രതിമാസം ഗെയ്‌ലിന് ഒരു ഷിപ്‌മെന്റ് എല്‍.എന്‍.ജി കയറ്റി അയക്കുമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. 

2030 ആവുമ്പോഴേക്കും ഇന്ത്യയുടെ ഊര്‍ജ മിശ്രിത വാതകത്തിന്റെ പങ്ക് ഉയര്‍ത്തുകയാണ് കരാറിലൂടെ ലക്ഷ്യം വെക്കുന്നത്. നിലവിലെ വാതകത്തിന്റെ പങ്ക് 6.5 ശതമാനത്തില്‍ നിന്നും 15 ശതമാനത്തോളം ഉയര്‍ത്താനാണ് ഇന്ത്യ പ്രധാനമായും ശ്രമിക്കുക. അതിനാല്‍ ഇന്ത്യ ഗ്യാസ് ഇറക്കുമതി കൂടുതല്‍ വര്‍ധിപ്പിക്കും. 

ഇതിനു പുറമെ വാതകത്തിന്റെ ദ്രവീകരണ ശേഷിയിലും വര്‍ദ്ധനവ് ഉണ്ടാക്കാന്‍ പദ്ധതി ലക്ഷ്യം വെക്കുന്നു. 2027 ഓടെ നിലവിലെ ദ്രവീകരണ ശേഷിയുടെ അളവ് 77 ദശലക്ഷത്തില്‍ നിന്നും പ്രതിവര്‍ഷം 142 ദശലക്ഷം ടണ്ണായി വികസിപ്പിക്കാനാകുമെന്നാണ് ഇന്ത്യ കരുതുന്നത്.

എല്‍.എന്‍.ജിയുടെ വിതരണത്തില്‍ മുന്‍ നിരയിലുള്ള അമേരിക്കയുമായുള്ള വ്യാപാരതല മത്സരം വര്‍ധിപ്പിക്കാനും ഖത്തറിന് ഈ പദ്ധതിയിലൂടെ സാധിക്കും. ഏഷ്യയിലും യൂറോപ്പിലും കൃത്യമായ സ്വാധീനം ചെലുത്താനും ഖത്തറിന് സാധിക്കും. ഇതിനകം തന്നെ ഖത്തര്‍ ഇന്ത്യയുടെ ഏറ്റവും വലിയ എല്‍.എന്‍.ജി കയറ്റുമതിക്കാരായി മാറി കഴിഞ്ഞിട്ടുണ്ട്. കഴിഞ്ഞ വര്‍ഷം ദക്ഷിണ ഏഷ്യന്‍ രാജ്യങ്ങളുടെ പകുതി എല്‍.എന്‍.ജിയും ഖത്തറിന് തന്നെയാണ് നല്‍കിയിരുന്നത്.

എന്നാല്‍ ഈ വിഷയത്തില്‍ ഖത്തര്‍ എനര്‍ജിയും ഗെയിലും ഇതുവരെ പ്രതികരിച്ചിട്ടില്ല. 

Qatar signs five-year LNG supply deal with India's GAIL