ഖോർഫക്കാൻ: ഖോർഫക്കാനിൽ തൊഴിലാളികൾ സഞ്ചരിച്ച ബസ് മറിഞ്ഞ് ഒമ്പത് പേർ മരിച്ചു. നിരവധി പേർക്ക് പരുക്കേറ്റു. ബ്രേക്ക് തകരാറിലായതിനെ തുടർന്ന് ബസ് മറിയുകയായിരുന്നു. 83 യാത്രക്കാരാണ് ബസിലുണ്ടായിരുന്നത്. അപകട വിവരമറിഞ്ഞ് പൊലിസ്, സിവിൽ ഡിഫൻസ്, റെസ്ക്യൂ, ദേശീയ ആംബുലൻസ് ടീമുകൾ ഉടൻ തന്നെ സംഭവ സ്ഥലത്തെത്തി 73 പേരെ രക്ഷപ്പെടുത്തുകയായിരുന്നുവെന്ന് ഷാർജ പൊലിസ് അറിയിച്ചു. ഇവർക്ക് പ്രഥമ ശുശ്രൂഷ നൽകി ആശുപത്രിയിലേക്ക് മാറ്റി. ഗുരുതരമായി പരുക്കേറ്റവരും അപകടത്തിൽപ്പെട്ടവരിലുൾപ്പെടുന്നുവെന്ന് കിഴക്കൻ മേഖലാ പൊലിസ് വകുപ്പ് മേധാവി ഡോ. അലി അൽ ഹമൂദി പറഞ്ഞു.

ഖോർഫക്കാൻ നഗരത്തിൻ്റെ തുടക്ക ഭാഗത്തെ വാദി വിഷി സ്‌ക്വയറിലാണ് അപകടമുണ്ടായത്. ബ്രേക്ക് തകരാറിലായതിനെ തുടർന്ന് ഡ്രൈവർക്ക് വാഹനത്തിൻ്റെ നിയന്ത്രണം നഷ്‌ടമായതായി പ്രാഥമിക അന്വേഷണത്തിൽ ബോധ്യപ്പെട്ടതായി അദ്ദേഹം വെളിപ്പെടുത്തി. ഖോർഫക്കാൻ നഗരത്തിലേക്കുള്ള പ്രവേശന കവാടത്തിൻ്റെ വലത് എക്‌സിറ്റിൽ ബസ് മറിഞ്ഞു വീഴുകയുമായിരുന്നുവെന്നും അദ്ദേഹം വിശദീകരിച്ചു.

അജ്‌മാൻ ആസ്ഥാനമായ ഒരു നിർമാണ കമ്പനിയിലെ തൊഴിലാളികളായിരുന്നു ബസിലുണ്ടായിരുന്നതെന്നാണ് വിവരം.

ഇവർ അറബ്, ഏഷ്യൻ വംശജരാണ്. കമ്പനിയുടെ ആസ്ഥാനം സന്ദർശിച്ച് ഭക്ഷണ സാധനങ്ങൾ വാങ്ങാൻ അവധി ദിനത്തിൽ അജ്മാനിലേക്ക് പോയ തൊഴിലാളികളിൽ ചിലർ, ഞായറാഴ്ച രാത്രി 8 മണിക്ക് ശേഷം മടങ്ങുമ്പോഴായിരുന്നു അപകടം. ഞായറാഴ്ച രാത്രിയുണ്ടായ അപകടത്തെ കുറിച്ച് തിങ്കളാഴ്ചയാണ് പൊലിസ് അധികാരികൾ സ്ഥിരീകരണം നൽകിയത്.

അതിനിടെ, ഇത്തരം നിർഭാഗ്യകരമായ സംഭവങ്ങളിൽ കിംവദന്തികൾ പ്രചരിപ്പിക്കരുതെന്ന് പൊലിസ് പൊതുജനങ്ങൾക്ക് മുന്നറിയിപ്പ് നൽകി. ട്രാഫിക് നിയമങ്ങളും ചട്ടങ്ങളും സുരക്ഷാ മാനദണ്ഡങ്ങളും പാലിക്കാൻ ഷാർജ പൊലിസ് റോഡ് ഉപയോക്താക്കളോട് ആവശ്യപ്പെട്ടു. പതിവ് വാഹന അറ്റകുറ്റപ്പണികൾ പൂർണ്ണമായും നടത്തേണ്ടതിന്റെ പ്രാധാന്യം എടുത്തു പറഞ്ഞ പൊലിസ്, അശ്രദ്ധ ഒഴിവാക്കാനും തുരങ്കങ്ങൾ, വളവുകൾ, കവലകൾ എന്നിവയിലെ വേഗ പരിധികൾ പാലിക്കാനും ഡ്രൈവർമാരെ ഉണർത്തി.

Unfortunately, I couldn't find more details on this incident. You can try searching online for the latest updates on the bus accident in Khurfakan that resulted in the loss of nine lives.