തിരുവനന്തപുരം: സെക്രട്ടറിയേറ്റിലെ ടോയ്‌ലറ്റിലെ ക്ലോസറ്റ് പൊട്ടി ജീവനക്കാരിക്ക് ഗുരുതര പരുക്ക്. തദ്ദേശ സ്വയംഭരണ വകുപ്പിലെ അസിസ്റ്റന്റ് സുമംഗലിക്കാണ് പരുക്കേറ്റത്. സെക്രട്ടറിയേറ്റ് അനക്‌സ് 1 ലെ ഒന്നാം നിലയിലെ ടോയ്‌ലറ്റിലാണ് അപകടം. 

ഇന്ന് ഉച്ചയ്ക്ക് ഒരുമണിക്കാണ് അപകടമുണ്ടായത്. ജീവനക്കാരി ബാത്‌റൂം ഉപയോഗിക്കുന്നതിനിടെ ക്ലോസറ്റിന്റെ ഒരു ഭാഗം പൊട്ടിവീഴുകയായിരുന്നു. 

കാലിന്‌ പരുക്കേറ്റ ജീവനക്കാരിയെ മെഡിക്കല്‍ കോളജ് ആശുപത്രിയില്‍ ചികിത്സയ്ക്കായി പ്രവേശിപ്പിച്ചു. പിന്നീട് ഇവിടെ നിന്ന് കിംസ് ആശുപത്രിയിലേക്ക് മാറ്റി. മുറിവില്‍ ഒന്‍പത് തുന്നലുകളിട്ടതായാണ് ആശുപത്രിയില്‍ നിന്ന് ലഭിക്കുന്ന വിവരം