കുവൈത്ത് സിറ്റി: താമസ തൊഴില്‍ നിയമലംഘകരെ പിടികൂടുന്നതിനായി പരിശോധന തുടര്‍ന്ന് ആഭ്യന്തര മന്ത്രാലയം. കഴിഞ്ഞ ദിവസങ്ങളില്‍ വിവിധ ഗവര്‍ണറേറ്റുകളിലായി നടത്തിയ പരിശോധനയില്‍ നിരവധി പേര്‍ പിടിയിലായി. മുത്‌ല, ജീബ് അല്‍ ഷുയൂഖ്, ഹസാവി, ഫഹാഹീല്‍, മഹ്ബൂല എന്നീ പ്രദേശങ്ങളിലായിരുന്നു പരിശോധന. ജനറല്‍ ഡിപ്പാര്‍ട്‌മെന്റ് ഓഫ് റസിഡന്‍സി അഫയേഴ്‌സ് ഇന്‍ വെസ്റ്റിഗേഷന്‍സ് പരിശോധനക്ക് നേതൃത്വം നല്‍കി.

പരിശോധനയില്‍ 200ലധികം പേര്‍ പിടിയിലായി. താമസ, തൊഴില്‍ നിയമലംഘകരായ 60പേര്‍, ഒളിവില്‍ കഴിയുന്ന 140 പേര്‍, വാറണ്ടുള്ള 14 പേര്‍, തിരിച്ചറിയല്‍ രേഖകളില്ലാത്ത 18 പേര്‍ എന്നിവരാണ് പിടിയിലായത്. പിടികൂടിയവര്‍ക്കെതിരെ നിയമനടപടികള്‍ ആരംഭിച്ചു. വിവിധ നിയമലംഘകരെ പിടികൂടുന്നതിനായി രാജ്യത്ത് കര്‍ശന പരിശോധന നടന്നു വരികയാണ്. പരിശോധന വരും ദിവസങ്ങളിലും തുടരുമെന്ന് അധികൃതര്‍ അറിയിച്ചു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Kuwait has intensified its efforts to regulate the labor market and enforce residency laws, with ongoing investigations to apprehend violators.