Career in Canada: കാനഡ നോക്കുന്നുണ്ടോ? 2025ല്‍ ഏറ്റവും ഡിമാന്റുള്ള ജോലികള്‍ ഇവയാണ്

ഗള്‍ഫ് രാഷ്ടങ്ങള്‍ക്ക് പുറത്ത് ഇന്ത്യക്കാര്‍ കരിയര്‍ സ്വപ്‌നം കാണുന്ന രാജ്യമാണ് കാനഡ. വന്‍ അവസരങ്ങളാണ് കാനഡ കുടിയേറ്റക്കാര്‍ക്ക് മുന്നില്‍ അവതരിപ്പിക്കുന്നത്. രാജ്യത്തിന്റെ ശക്തമായ സാമ്പത്തിക വളര്‍ച്ച, അനുകൂലമായ കുടിയേറ്റ നയങ്ങള്‍, നവീകരണത്തോടുള്ള പ്രതിബദ്ധത എന്നിവയാണ് കാനഡയില്‍ പുതിയ സ്വപ്‌നങ്ങള്‍ നെയ്യാന്‍ ഇന്ത്യക്കാരടക്കമുള്ളവരെ പ്രേരിപ്പിക്കുന്നത്. സാങ്കേതികവിദ്യ, ആരോഗ്യ സംരക്ഷണം, പുനരുപയോഗിക്കാവുന്ന ഊര്‍ജം, ആര്‍ട്ടിഫിഷ്യല്‍ ഇന്റലിജന്‍സ്, സുസ്ഥിര വ്യവസായങ്ങള്‍ തുടങ്ങിയ മേഖലകളില്‍ വന്‍ അവസരങ്ങള്‍ കാനഡയിലുണ്ട്. തങ്ങളുടെ കരിയര്‍ മുന്നോട്ട് കൊണ്ടുപോകാന്‍ ആഗ്രഹിക്കുന്ന വ്യക്തികള്‍ കാനഡയെ ആവേശകരവും പ്രതിഫലദായകവുമായ ഡെസ്ര്‌റിനേഷനായി ഉറപ്പാക്കുമെന്നതില്‍ സംശയമില്ല. അത്തരക്കാര്‍ക്കായി 2025ലെ കാനഡയിലെ വിവിധ തൊഴില്‍ അവസരങ്ങളും ഏറ്റവും ഉയര്‍ന്ന ശമ്പളമുള്ള ജോലികളും സംബന്ധിച്ച് വിവരിക്കുകയാണ് ഇവിടെ. പ്രധാനമായും കാനഡയില്‍ ഏറ്റവുമധികം ഡിമാന്റുള്ള പത്ത് കരിയറുകളാണ് ഇവിടെ വിവരിക്കുന്നത്.

1. രജിസ്റ്റര്‍ ചെയ്ത നഴ്‌സ് | Registered Nurse (RN)

കാനഡയിലുടനീളമുള്ള പല പ്രവിശ്യകളിലും ഹെല്‍ത്ത് കെയര്‍ മേഖലയിലെ ജോലികളില്‍ അവസരങ്ങള്‍ ഏറെയാണ്. നഴ്‌സുമാര്‍ക്കുള്ള ഉയര്‍ന്ന ഡിമാന്‍ഡ് കാരണം, നഴ്‌സിംഗില്‍ പരിചയമുള്ള വിദേശ ഉദ്യോഗാര്‍ത്ഥികള്‍ക്ക് കാനഡയിലേക്ക് കുടിയേറാനുന്നത് പ്രോത്സാഹിപ്പിക്കുന്നതിന് നിരവധി ഇമിഗ്രേഷന്‍ ഓപ്ഷനുകളും ലഭ്യമാണ്.

ശരാശരി വാര്‍ഷിക ശമ്പളം: 70,975 ഡോളര്‍

ഏറ്റവും കൂടുതല്‍ പണം നല്‍കുന്ന പ്രവിശ്യകള്‍: നോര്‍ത്ത് വെസ്റ്റ് ടെറിട്ടറികള്‍, നുനാവുട്ട്, യുക്കോണ്‍.

കുറഞ്ഞ വിദ്യാഭ്യാസം: ബാച്ചിലേഴ്‌സ് ബിരുദവും പ്രൊവിന്‍ഷ്യല്‍ അല്ലെങ്കില്‍ ടെറിട്ടോറിയല്‍ റെഗുലേറ്ററി അതോറിറ്റിയുമായുള്ള രജിസ്‌ട്രേഷനും.

2. വെബ് ഡെവലപ്പര്‍മാര്‍ | Web Developers

ആപ്ലിക്കേഷനുകളും വെബ്‌സൈറ്റുകളും ഡവലപ് ചെയ്യുന്നതില്‍ ഏര്‍പ്പെട്ടിരിക്കുന്ന സ്‌പെഷ്യലിസ്റ്റാണ് വെബ് ഡെവലപ്പര്‍. കുതിച്ചുയരുന്ന സാങ്കേതിക വ്യവസായത്തില്‍, IT രംഗത്തുള്ളവര്‍ക്ക് കാനഡയിലേക്ക് കുടിയേറാന്‍ നിരവധി ഓപ്ഷനുകള്‍ ഉണ്ട്. കാനഡയുടെ ഗ്ലോബല്‍ ടാലന്റ് സ്ട്രീം ഉപയോഗിച്ച് വെബ് ഡെവലപ്പര്‍മാര്‍ക്ക് കാനഡ വര്‍ക്ക് പെര്‍മിറ്റ് ഈസിയായി നേടാവുന്നതാണ്. ഈ തൊഴിലുകളില്‍ പ്രവൃത്തിപരിചയമുള്ള ഉദ്യോഗാര്‍ത്ഥികള്‍ക്കായി നിരവധി പ്രൊവിന്‍ഷ്യല്‍ നോമിനി പ്രോഗ്രാം (PNP) ഓപ്ഷനുകളും ഉണ്ട്.

ശരാശരി വാര്‍ഷിക ശമ്പളം: 72,627 ഡോളര്‍

കൂടുതല്‍ പണം നല്‍കുന്ന പ്രവിശ്യകള്‍: ഒന്റാറിയോ, ആല്‍ബെര്‍ട്ട, മാനിറ്റോബ.

കുറഞ്ഞ വിദ്യാഭ്യാസം: ബാച്ചിലേഴ്‌സ് ബിരുദം

3. ഇലക്ട്രിക്കല്‍ എഞ്ചിനീയര്‍ | Electrical Engineer

ഇലക്ട്രിക്കല്‍ എഞ്ചിനീയര്‍ ജോലികള്‍ക്ക് ഇലക്ട്രിക്കല്‍ യന്ത്രങ്ങള്‍ രൂപകല്‍പ്പന ചെയ്യാനും അവ വിശകലനം ചെയ്യാനും വ്യക്തമാക്കാനുമുള്ള കഴിവാണ് വേണ്ട്. അക്കാഡമിക് യോഗ്യതക്കപ്പുറം നല്ല പരിചയവും ഈ ഫീല്‍ഡിലുള്ള അഭിരുചിയുമാണ് ആവശ്യം. സാധാരണഗതിയില്‍ ഈ സ്ഥാനത്തിന് ഉയര്‍ന്ന വിദ്യാഭ്യാസവും പരിചയവും ആവശ്യമാണ്.

ശരാശരി വാര്‍ഷിക ശമ്പളം: 91,832 ഡോളര്‍

ഏറ്റവും ഉയര്‍ന്ന പ്രതിഫലം ലഭിക്കുന്ന പ്രവിശ്യകള്‍: ഏറ്റവും കൂടുതല്‍ പണം നല്‍കുന്ന പ്രവിശ്യകള്‍: ആല്‍ബെര്‍ട്ട, ന്യൂഫൗണ്ട്‌ലാന്‍ഡ് & ലാബ്രഡോര്‍, സസ്‌കാച്ചെവന്‍.

മിനിമം വിദ്യാഭ്യാസം: എഞ്ചിനീയറിംഗില്‍ സയന്‍സ് ബിരുദം. (റോള്‍ അനുസരിച്ച് വ്യത്യാസപ്പെടുന്നു).

4. ട്രക്ക് ഡ്രൈവര്‍ | Truck Driver

കാനഡയിലെ ഏറ്റവും ഡിമാന്‍ഡുള്ള ജോലികളില്‍ ഒന്നായി ട്രക്ക് ഡ്രൈവര്‍മാര്‍ പലപ്പോഴും പട്ടികയില്‍ മുന്നിലുണ്ട്. തീരത്ത് നിന്ന് തീരത്തേക്ക് ചരക്കുകള്‍ കൊണ്ടുപോകുന്നതിന് മിക്കവാറും എല്ലാ കനേഡിയന്‍ പ്രവിശ്യകളിലും പ്രദേശങ്ങളിലും ട്രക്ക് ഡ്രൈവര്‍മാരെ ആവശ്യമാണ്. സ്റ്റാറ്റിസ്റ്റിക്‌സ് കാനഡയുടെ കണക്കനുസരിച്ച്, ഗതാഗതരംഗത്തെ മൊത്തം വേക്കന്‍സികളില്‍ ട്രക്ക് ഡ്രൈവര്‍മാരുടെ ഒഴിവുകളുടെ നിരക്ക് ഏകദേശം 8 ശതമാനം ആണ്. 

ശരാശരി വാര്‍ഷിക ശമ്പളം: 46,828 ഡോളര്‍

ഏറ്റവും കൂടുതല്‍ പണം നല്‍കുന്ന പ്രവിശ്യകള്‍: ബ്രിട്ടീഷ് കൊളംബിയ, ന്യൂ ബ്രണ്‍സ്‌വിക്ക്, പ്രിന്‍സ് എഡ്വേര്‍ഡ് ഐലന്‍ഡ്, നോവ സ്‌കോട്ടിയ.

മിനിമം വിദ്യാഭ്യാസം: ഉചിതമായ ലൈസന്‍സും അംഗീകാരങ്ങളും സഹിതം ട്രക്ക് ഡ്രൈവര്‍ പരിശീലനവും

 

5. വെല്‍ഡര്‍| Welder

2028ഓടെ സമ്പദ്‌വ്യവസ്ഥയിലേക്ക് 23,000 വെല്‍ഡിംഗ് വേക്കന്‍സികള്‍ കൂടി ചേര്‍ക്കുമെന്നാണ് കരുതുന്നത്. ഇത് ഈ തൊഴിലിനെ ഉയര്‍ന്ന ഡിമാന്‍ന്റുള്ള ഫീല്‍ഡാക്കി മാറ്റുന്നു. ബ്രിട്ടീഷ് കൊളംബിയയിലും പ്രിന്‍സ് എഡ്വേര്‍ഡ് ദ്വീപിലും വെല്‍ഡിംഗ് സ്ഥാനങ്ങള്‍ക്ക് പ്രത്യേകിച്ചും ഉയര്‍ന്ന ഡിമാന്‍ഡാണ്. 

ശരാശരി വാര്‍ഷിക ശമ്പളം: മണിക്കൂറിന് 18 ഡോളറിനും 41 ഡോളറിനും ഇടയില്‍. 

ഏറ്റവും കൂടുതല്‍ പണം നല്‍കുന്ന പ്രവിശ്യകള്‍: ആല്‍ബെര്‍ട്ട, സസ്‌കാച്ചെവന്‍, ബ്രിട്ടീഷ് കൊളംബിയ

മിനിമം വിദ്യാഭ്യാസം: വ്യത്യാസപ്പെടും എന്നാല്‍ സാധാരണയായി ഓണ്‍സൈറ്റ് പരിശീലനം കൂടാതെ/അല്ലെങ്കില്‍ പരിശീലന സര്‍ട്ടിഫിക്കറ്റ്

6. മൃഗഡോക്ടര്‍ | Veterinarian (Vet)

ലോകമെമ്പാടുമുള്ള പല സ്ഥലങ്ങളെയും പോലെ കനേഡിയന്‍ ആളുകള്‍ അവരുടെ വളര്‍ത്തുമൃഗങ്ങളെ സ്‌നേഹിക്കുന്നവരാണ്. എന്നാല്‍ നിര്‍ഭാഗ്യവശാല്‍ കാനഡയില്‍ മൃഗഡോക്ടര്‍മാര്‍ കുറവാണ്. ഇത് നിരവധി വര്‍ഷങ്ങളായി കാനഡയിലെ ഏറ്റവും ഡിമാന്‍ഡുള്ള ജോലികളിലൊന്നായി ഈ കരിയറിനെ മാറ്റുന്നു. 
കാനഡയില്‍ ഒരു കരിയര്‍ പാത്ത് നിര്‍മ്മിക്കാന്‍ ശ്രമിക്കുന്ന മൃഗഡോക്ടര്‍ക്ക് പ്രവിശ്യകള്‍/പ്രദേശങ്ങള്‍ക്കുള്ളിലെ റെഗുലേറ്ററി ബോഡിയില്‍ നിന്ന് ലൈസന്‍സ് ആവശ്യമാണ്. കാരണം ഇത് പ്രവിശ്യാ നിയന്ത്രിത തൊഴിലാണ്.

ശരാശരി വാര്‍ഷിക ശമ്പളം: 95,804 ഡോളര്‍

ഏറ്റവും കൂടുതല്‍ പ്രതിഫലം ലഭിക്കുന്ന പ്രവിശ്യകള്‍: സസ്‌കാച്ചെവന്‍, എഡ്മണ്ടന്‍, കാല്‍ഗറി

കുറഞ്ഞ വിദ്യാഭ്യാസം: വെറ്ററിനറി ലൈസന്‍സ്

 

7. പ്രാക്ടിക്കല്‍ നഴ്‌സ്  | Licensed Practical Nurse (LPN)

രജിസ്റ്റര്‍ ചെയ്ത നഴ്‌സിങ്ങിന്റെ അതേ കാരണങ്ങളാല്‍, കാനഡയിലെ ഡിമാന്‍ഡ് ജോലികളുടെ പട്ടികയില്‍ ലൈസന്‍സ്ഡ് പ്രാക്ടിക്കല്‍ ഒന്നാമതാണ്. കോവിഡ് 19 വ്യാപനവും പ്രായമായ ജനസംഖ്യയും ആരോഗ്യസംരക്ഷണ സംവിധാനത്തിന് കൂടുതല്‍ ഡിമാന്‍ഡ് ഉണ്ടാക്കുന്നു. രജിസ്റ്റര്‍ ചെയ്ത നഴ്‌സുമാര്‍ക്ക് സമാനമായി, ആരോഗ്യമേഖലയിലുള്ളവര്‍ക്ക് പ്രയോജനപ്പെടുത്താവുന്ന നിരവധി ഇമിഗ്രേഷന്‍ പ്രോഗ്രാമുകളും ലൈസന്‍സ്ഡ് പ്രാക്ടിക്കല്‍ നഴ്‌സുമാര്‍ക്കായി ഉണ്ട്.

ശരാശരി വാര്‍ഷിക ശമ്പളം: 55,564 ഡോളര്‍ 

ഏറ്റവും കൂടുതല്‍ പണം നല്‍കുന്ന പ്രവിശ്യകള്‍: മാനിറ്റോബ, ആല്‍ബെര്‍ട്ട, സസ്‌കാച്ചെവന്‍.

കുറഞ്ഞ വിദ്യാഭ്യാസം: ബാച്ചിലേഴ്‌സ് ബിരുദവും പ്രൊവിന്‍ഷ്യല്‍ അല്ലെങ്കില്‍ ടെറിട്ടോറിയല്‍ റെഗുലേറ്ററി അതോറിറ്റിയുമായുള്ള രജിസ്‌ട്രേഷനും.

8. ഇന്‍ഡസ്ട്രിയല്‍ ഇലക്ട്രീഷ്യന്‍ | Industrial Electrician

നല്ല വൈദഗ്ദ്യം ഉള്ള ഇലക്ട്രീഷ്യന്‍മാര്‍ക്ക് ഏറ്റവും സന്തോഷത്തോടെ ജോലി ചെയ്യാന്‍ കഴിയുന്ന രാജ്യമാണ് കാഡന. ആവശ്യമാ വിദ്യാഭ്യാസവും തൊഴില്‍ പരിചയവുമുള്ള പുതുമുഖങ്ങള്‍ക്ക് കാനഡയില്‍ വ്യാവസായിക ഇലക്ട്രീഷ്യന്‍ അല്ലെങ്കില്‍ സ്വകാര്യമായയോ വ്യക്തിപരമോയ ഇലക്ട്രീഷ്യന്‍ തൊഴിലില്‍ ഏര്‍പ്പെടാവുന്നതാണ്.ായി ജോലിയില്‍ പ്രവേശിക്കാം.

ശരാശരി വാര്‍ഷിക ശമ്പളം: 68,000 ഡോളര്‍

ഏറ്റവും കൂടുതല്‍ പണം നല്‍കുന്ന പ്രവിശ്യകള്‍: ആല്‍ബെര്‍ട്ട, ന്യൂഫൗണ്ട്‌ലാന്‍ഡ് & ലാബ്രഡോര്‍, സസ്‌കാച്ചെവന്‍.

കുറഞ്ഞ വിദ്യാഭ്യാസം: ഓണ്‍സൈറ്റ് പരിശീലനം കൂടാതെ/അല്ലെങ്കില്‍ ഒരു ട്രേഡ് സര്‍ട്ടിഫിക്കേഷന്‍.

9. ഫാര്‍മസിസ്റ്റ് | Pharmacist

മരുന്ന് വിതരണം ചെയ്യുന്നതിനും മരുന്നിനെക്കുറിച്ച് ഉപദേശിക്കാനും ആരോഗ്യ കണ്‍സള്‍ട്ടേഷനുകള്‍ നല്‍കുന്നതിനും ഫാര്‍മസിസ്റ്റുകള്‍ ഉത്തരവാദികളാണ്. ഒരു ഫാര്‍മസിസ്റ്റിന് ഒരു ഹോസ്പിറ്റലിലോ ഫാര്‍മസിയിലോ സ്വന്തം ഫാര്‍മസി തുടങ്ങിയോ ജോലി ചെയ്തും കരിയര്‍ കെട്ടിപ്പടുക്കാനാകും.

ഫാര്‍മസിസ്റ്റുകള്‍ പ്രവിശ്യാതലത്തിലാണ് നിയന്ത്രിക്കപ്പെടുന്നത്. അതായത് ഓരോ പ്രവിശ്യയ്ക്കും അവരുടേതായ നിയന്ത്രണങ്ങള്‍ ഉണ്ടായിരിക്കും. ഒരു ഫാര്‍മസിസ്റ്റാകാന്‍, നിങ്ങള്‍ക്ക് ഫാര്‍മസിയില്‍ ബിരുദം ഉണ്ടായിരിക്കണം, ഫാര്‍മസി എക്‌സാമിനിംഗ് ബോര്‍ഡ് ഓഫ് കാനഡ (PEBC) നടത്തുന്ന പരീക്ഷയില്‍ വിജയിക്കുകയും കാനഡയില്‍ ഒരു സര്‍ട്ടിഫൈഡ് ഫാര്‍മസിസ്റ്റാകാന്‍ നിങ്ങളുടെ പ്രവിശ്യയിലോ പ്രദേശത്തിലോ രജിസ്റ്റര്‍ ചെയ്യുകയും വേണം. മെഡിക്കല്‍ രംഗത്തെ മറ്റ് പ്രൊഫഷനുകളെപ്പോലെ ഫാര്‍മസിസ്റ്റുകള്‍ക്ക് ഉയര്‍ന്ന ഡിമാന്‍ന്റാണുള്ളത്.

ശരാശരി വാര്‍ഷിക ശമ്പളം: 89,314 ഡോളര്‍ 

ഏറ്റവും കൂടുതല്‍ പണം നല്‍കുന്ന പ്രവിശ്യകള്‍: ബ്രിട്ടീഷ് കൊളംബിയ, ക്യൂബെക്ക്, ന്യൂ ബ്രണ്‍സ്വിക്ക്.

കുറഞ്ഞ വിദ്യാഭ്യാസം: ഫാര്‍മസിയില്‍ ബിരുദം

 

10. അക്കൗണ്ടന്റ് | Accountant

വിജയകരമായ ഏതൊരു കമ്പനിയുടെയും പ്രവര്‍ത്തനങ്ങള്‍ക്ക് അക്കൗണ്ടന്റുമാര്‍ പ്രധാനമാണ്. അടുത്ത ഏതാനും വര്‍ഷങ്ങള്‍ക്കുള്ളില്‍ വളര്‍ച്ചാ സാധ്യതയുള്ള രാജ്യത്തുടനീളം വന്‍ തൊഴിലവസരങ്ങള്‍ ഉണ്ടാകുമെന്ന് അക്കൗണ്ടന്റുമാര്‍ക്ക് ഉറപ്പിക്കാം.

ശരാശരി വാര്‍ഷിക ശമ്പളം: 56,257 ഡോളര്‍

ഏറ്റവും കൂടുതല്‍ പണം നല്‍കുന്ന പ്രവിശ്യകള്‍: ആല്‍ബെര്‍ട്ട, ബ്രിട്ടീഷ് കൊളംബിയ, ക്യൂബെക്ക്.

കുറഞ്ഞ വിദ്യാഭ്യാസം: ബിസിനസില്‍ ഡിപ്ലോമ അല്ലെങ്കില്‍ ബാച്ചിലേഴ്‌സ് ബിരുദം. മറ്റ് സാങ്കേതിക അറിവ്

top 10 In Demand Jobs in Canada 2025