ക​ണ്ണൂ​ർ: വായ്പാ തിരിച്ചടവു തെറ്റിയ വാഹനം പിടിച്ചെടുത്ത് ലേലം ചെയ്യാനുള്ള അധികാരത്തിനു മൂക്കുകയർ വീണതോടെ, വാഹനങ്ങൾ വിൽക്കാൻ കുറുക്കുവഴി തേടി സ്വകാര്യ ധ​ന​കാ​ര്യസ്ഥാ​പ​ന​ങ്ങൾ. മോട്ടോർ വാഹന വകുപ്പിൻ്റെ  പ​രി​വാ​ഹ​ൻ സോ​ഫ്റ്റ്‌​വെയ​റി​ലെ ഫെ​യ്‌​സ്‌​ലെ​സ് ആ​പ്ലി​ക്കേ​ഷ​ൻ സൗ​ക​ര്യം ദുരുപയോഗം ചെയ്താണ്  അടവു തെറ്റി പിടിച്ചെടുക്കുന്ന വാഹനങ്ങൾ ഉടമസ്ഥാവകാശം മാറ്റി വിൽപന നടത്തുന്നത്.  ഫെ​യ്‌​സ്‌​ലെ​സ് ആ​പ്ലി​ക്കേ​ഷ​ൻ വഴി ആർ.സിയുടെ ചിത്രം അപ് ലോഡ് ചെയ്ത് ഉടമസ്ഥാവകാശം മാറ്റാനോ ആഡ്രസ് മാറ്റാനോ സാധിക്കുമെന്നതാണ് ഇവർക്ക് തുണയാകുന്നത്.  

 
  ഇ.എം.ഐ തെറ്റിയതിന്റെ പേരിൽ പി​ടി​ച്ചെ​ടു​ക്കു​ന്ന വാ​ഹ​ന​ങ്ങ​ളുടെ ആ​ർ.​സി, ഉടമ നൽകിയില്ലെങ്കിൽ ഡ്യൂപ്ലിക്കേറ്റിന്   ആ​ർ.​ടി ഓ​ഫി​സി​ൽ അ​പേ​ക്ഷ നൽകുകയായിരുന്നു മുമ്പ് പതിവ്. പു​തി​യ ആ​ർ.​സി കി​ട്ടിയ ഉടൻ  ഇ​വ​രു​ടെ ഇ​ഷ്ടാനുസാരം ലേലം ചെ​യ്യാ​മാ​യി​രു​ന്നു. അ​ഞ്ചു​ല​ക്ഷം രൂപ മാ​ർ​ക്ക​റ്റ് വിലയുള്ള വാ​ഹ​ന​ത്തി​ന് നാ​ലു​ല​ക്ഷ​മാ​യി​രി​ക്കും ബാ​ധ്യ​ത. അ​ഞ്ചു​ല​ക്ഷ​ത്തി​ന് ലേ​ലം ചെ​യ്തി​ട്ട് നാ​ലു​ല​ക്ഷം ബാ​ധ്യ​ത കഴിച്ച് ഒ​രു ല​ക്ഷം ഉ​ട​മയ്​ക്ക് കൊ​ടു​ക്ക​ണ​മെ​ന്നാ​ണ് നി​യ​മം. എന്നാൽ സ്വ​കാ​ര്യ ധ​ന​കാ​ര്യ സ്ഥാ​പ​ന​ങ്ങ​ൾ അ​ഞ്ചു​ല​ക്ഷം വിലയുള്ള വാ​ഹ​നം മൂ​ന്നു​ല​ക്ഷ​ത്തി​ന് ലേ​ലം ചെ​യ്തെന്ന് രേ​ഖ ഉ​ണ്ടാ​ക്കും. ഉ​ട​മ​യു​ടെ നാ​ലു​ല​ക്ഷത്തിൻ്റെ ബാ​ധ്യ​ത​യി​ൽ മൂ​ന്നു​ല​ക്ഷം വ​ര​വു വ​ച്ച് ഒ​രു ല​ക്ഷ​ത്തി​ന് വീ​ണ്ടും കേ​സ് കൊ​ടു​ക്കും. ഈ തട്ടിപ്പിനു തടയിടാൻ മോട്ടോർവാഹനവകുപ്പ് ജു​ഡീ​ഷ്യൽ അ​തോ​റി​റ്റി​യെ നിയോഗിച്ചിരുന്നു. അ​വ​രാ​ണ് വാഹനം ലേ​ലം ചെ​യ്യുക. ഫൈ​നാ​ൻ​സ​റു​ടെ ബാ​ധ്യ​ത ക​ഴി​ഞ്ഞു​ള്ള തു​ക ഉ​ട​മയ്​ക്ക് കി​ട്ടും. 

പു​തി​യ നി​യ​മം വ​ന്ന​തോ​ടെ സ്വ​കാ​ര്യ പ​ണ​മി​ട​പാ​ട് സ്ഥാ​പ​ന​ങ്ങ​ൾ പി​ടി​ച്ചെ​ടു​ക്കു​ന്ന വാ​ഹ​നങ്ങൾ ലേ​ലം ചെ​യ്യു​ന്നി​ല്ല. പകരം വാ​ഹ​നം നി​യ​മവി​രു​ദ്ധ​മാ​യി മ​റ്റൊ​രാ​ൾ​ക്ക് വി​ൽ​ക്കു​ന്നതായാണ് മോ​ട്ടോ​ർ​വാ​ഹ​ന​വ​കു​പ്പിന്റെ ക​ണ്ടെ​ത്തൽ. പ​രി​വാ​ഹ​ൻ സോ​ഫ്റ്റ്‌​വെ​യ​റി​ലെ ഫെ​യ്‌​സ്‌​ലെ​സ് ആ​പ്ലി​ക്കേ​ഷ​ൻ സൗ​ക​ര്യം ഉ​പ​യോ​ഗി​ച്ച്  ഇ​വ​ർ പേ​രുമാ​റാ​ൻ ഓ​ൺ​ലൈ​നി​ൽ അ​പേ​ക്ഷ സ​മ​ർ​പ്പി​ക്കു​ന്നു. ഫെ​യ്‌​സ്‌​ലെ​സ് ആ​പ്ലി​ക്കേ​ഷ​നി​ൽ ഉ​ട​മ ഓ​ഫി​സി​ൽ വ​രി​ക​യോ ആ​ർ.​സി ഉ​ൾ​പ്പെ​ടെ എ​ന്തെ​ങ്കി​ലും രേ​ഖ​ക​ൾ സമർപ്പിക്കുകയോ വേ​ണ്ട.  ഫെ​യ്‌​സ്‌​ലെ​സ്  വഴിയുള്ള അപേക്ഷയ്ക്ക് ആ​ർ.​സി​യു​ടെ ഫോ​ട്ടോ അ​പ്‌​ലോ​ഡ് ചെ​യ്താ​ൽ മ​തി. അ​തി​നാ​യി ക​മ്പ്യൂ​ട്ട​റി​ൽ വ്യാ​ജ​മാ​യി ആ​ർ.​സി​ തയാറാക്കി ഫോട്ടോ അപ് ലോഡ് ചെയ്യും.

 വാ​ഹ​നം വി​ൽ​ക്കാ​നു​ള്ള പേ​പ്പ​റു​ക​ൾ വായ്പ കൊ​ടു​ക്കു​ന്ന സ​മ​യ​ത്ത് ഒ​പ്പി​ട്ട് വാ​ങ്ങുന്നതിനാൽ മറ്റു തടസങ്ങളുമില്ല. ഫെ​യ്‌​സ്‌​ലെ​സ് ആ​പ്ലി​ക്കേ​ഷ​നി​ൽ ഉ​ട​മ മ​രി​ച്ചു പോ​യ വാ​ഹ​ന​ത്തിന്റെ ഉ​ട​മ​സ്ഥ​ത മാ​റ്റാ​നു​ള്ള ഓ​പ്ഷ​ൻ സെ​ല​ക്‌​ട് ചെ​യ്താ​ൽ പേ​ര് മാ​റു​ന്ന​തി​നുള്ള ഒ​.ടി​.പി ഉ​ട​മ​യ്ക്ക് പോ​കി​ല്ലെന്ന പ്രത്യേകതയുമുണ്ട്. വാ​ങ്ങു​ന്ന ആ​ളു​ടെ ഫോ​ണി​ലെ ഒ​.ടി​.പി മാ​ത്രം മ​തി. ആർ.ടി ഓ​ഫി​സി​ൽ ഓ​ൺ​ലൈ​നി​ൽ ല​ഭി​ക്കു​ന്ന ഈ ​അ​പേ​ക്ഷ​ക​ൾ പ​രി​ശോ​ധി​ക്കാ​നു​ള്ള അവസരവും ഇ​ല്ല. ഫെ​യ്സ്‌​ലെ​സ് ആ​പ്ലി​ക്കേ​ഷ​നി​ലൂ​ടെ  ഒ​രു വാ​ഹ​ന​ത്തി​ന്റെ  ആ​ർ.​സിയു​ടെ ഫോ​ട്ടോ മൊ​ബൈ​ൽ ഫോ​ണി​ൽ എ​ടു​ത്താ​ൽ ഇ​തു​പ​യോ​ഗി​ച്ച് ഉ​ട​മ അ​റി​യാ​തെ ​വാ​ഹ​നം  സ്വ​ന്തം പേ​രി​ലേ​ക്കോ മ​റ്റാ​രു​ടെ​യെ​ങ്കി​ലും പേ​രി​ലേ​ക്കോ ഇ​തേരീ​തി​യി​ൽ മാറ്റാനും കഴിയുമെന്ന് മോട്ടോർവാഹനവകുപ്പ് മുന്നറിയിപ്പ് നൽകുന്നു. ഇ​ത്ത​ര​ത്തി​ൽ വ്യാ​ജ ആ​ർ.സി തയാറാക്കിയ സംഭവത്തിൽ ഇൗയിടെ  മ​ല​പ്പു​റം തി​രൂ​ര​ങ്ങാ​ടി​യി​ൽ കേസെടുത്തിരുന്നു.

parivahan faceless services  Lead to Fake RC Construction