ന്യൂഡൽഹി: പാൻകാർഡ് 2.0 ലേക്ക് അപ്ഗ്രേഡ് ചെയ്യണമെന്ന് ആവശ്യപ്പെട്ട് വരുന്ന സന്ദേശങ്ങളിൽ ജാഗ്രത പാലിക്കണമെന്ന് നാഷണൽ പേയ്മെന്റ്സ് കോർപ്പറേഷൻ ഓഫ് ഇന്ത്യ (എൻപിസിഐ) മുന്നറിയിപ്പ് നൽകുന്നു. പാൻകാർഡ് 2.0 അപ്ഗ്രേഡ്' എന്ന വ്യാജേന തട്ടിപ്പുകാർ ആളുകളുടെ ബാങ്ക് അക്കൗണ്ട് വിവരങ്ങളും വ്യക്തിഗത വിവരങ്ങളും ചോദിച്ച് വാങ്ങുന്നതായി എൻപിസിഐയുടെ ഔദ്യോഗിക എക്സ് അക്കൗണ്ടിൽ വ്യക്തമാക്കി. "നിന്റെ പാൻകാർഡ് ബ്ലോക്ക് ചെയ്തു, പാൻകാർഡ് 2.0 ലേക്ക് അപ്ഗ്രേഡ് ചെയ്യാൻ ആധാർ നമ്പറും ബാങ്ക് അക്കൗണ്ട് വിശദാംശങ്ങളും നൽകൂ" എന്ന രീതിയിലാണ് സന്ദേശങ്ങൾ എത്തുന്നത്. ഈ തട്ടിപ്പിൽ വീണ് വിവരങ്ങൾ നൽകുന്നവരുടെ അക്കൗണ്ടിൽ നിന്ന് പണം നഷ്ടപ്പെടാനുള്ള സാധ്യതയുണ്ടെന്നും അധികൃതർ മുന്നറിയിപ്പ് നൽകുന്നു.

ഇത്തരം തട്ടിപ്പുകളിൽ നിന്ന് എങ്ങനെ സുരക്ഷിതരായിരിക്കാം?

എൻപിസിഐ നൽകുന്ന ചില പ്രധാന നിർദേശങ്ങൾ ഇവയാണ്:

• അജ്ഞാത ലിങ്കുകൾ ഒഴിവാക്കുക: എസ്എംഎസ്, ഇമെയിൽ, സോഷ്യൽ മീഡിയ എന്നിവ വഴി വരുന്ന അപരിചിത ലിങ്കുകളിൽ ക്ലിക്ക് ചെയ്യരുത്.
• വിവരങ്ങൾ പങ്കിടരുത്: ബാങ്ക് അക്കൗണ്ട് വിശദാംശങ്ങൾ, പാൻ നമ്പർ, ആധാർ നമ്പർ എന്നിവ ആരുമായും പങ്കുവെക്കരുത്.
• സന്ദേശങ്ങൾ അവഗണിക്കുക: പാൻകാർഡ് അപ്ഗ്രേഡ് ചെയ്യണമെന്ന് ആവശ്യപ്പെടുന്ന സന്ദേശങ്ങളെ പൂർണമായി അവഗണിക്കുക.
• ജാഗ്രത പാലിക്കുക: വ്യക്തിഗത സാമ്പത്തിക വിവരങ്ങൾ ആവശ്യപ്പെടുന്ന കോളുകളോ സന്ദേശങ്ങളോ ലഭിച്ചാൽ ശ്രദ്ധിക്കുക.
• ഔദ്യോഗിക സ്രോതസ്സുകൾ പരിശോധിക്കുക: എൻപിസിഐ, ബാങ്കുകൾ, സർക്കാർ വെബ്സൈറ്റുകൾ തുടങ്ങിയ ഔദ്യോഗിക ഉറവിടങ്ങളിൽ നിന്ന് മാത്രം വിവരങ്ങൾ സ്വീകരിക്കുക.

ഡിജിറ്റൽ ഇടപാടുകൾ വർധിക്കുന്ന ഈ കാലത്ത്, സൈബർ തട്ടിപ്പുകളിൽ നിന്ന് സ്വയം സുരക്ഷിതരായിരിക്കാൻ എല്ലാവരും ജാഗ്രത പാലിക്കണമെന്ന് എൻപിസിഐ ഓർമിപ്പിക്കുന്നു.

The National Payments Corporation of India (NPCI) has issued an urgent warning to disregard these messages and safeguard your personal data. Discover how to identify this scam and protect yourself with essential safety tips.